Qazaq dárigeri Belarýs elinde 5 aılyq sábıdiń baýyryn aýystyryp berdi

ShYMKENT. QazAqparat - Qazaqstanǵa ǵana emes, kórshi elderge de tanylyp úlgergen transplantolog dáriger Rahymjan Úmbetjanov memleketaralyq dostyqty nyǵaıtýǵa úles qosyp júr, dep habarlaıdy QazAqparat Shymkent ákimdiginiń baspasóz qyzmetine silteme jasap.

31 jastaǵy dáriger Shymkent qalasyndaǵy № 1 qalalyq klınıkalyq aýrýhananyń gıpatobılıarly hırýrgııa jáne transplantologııa bóliminde jumys isteıdi. Birinshi sanatty hırýrg-dáriger, transplantolog.

Almaty qalasyndaǵy Asfendııarov atyndaǵy medıtsına ýnıversıtetinde bilim alǵan. Keıinnen Belarýstiń Mınsk qalasynda transplantant boıynsha klınıkalyq ordınatýra mamandyǵy boıynsha oqýyn jalǵastyrady.

Shymkent qalasyndaǵy qyzmeti barysynda úsh jyl ishinde 173 týystyq transplatatsııalyq ota jasaýǵa qatysqan. Onyń ishinde 150 búırek, 23 baýyr otasy bar.

Іzdenimpaz maman munymen toqtap qalmaı biliktiligin arttyrý maqsatynda memlekettik baǵdarlama aıasynda Mınsk qalasyna ketti.

Onda 5 aılyq búldirshinge baýyr transplatatsııasyn jasap, ota sátti aıaqtalǵan. Bul jóninde Mınsk aqparat kózderi jarysa jazdy.

Rahymjan Úmbetjanov belarýs áriptesterinen organdy transplatatsııaǵa daıyndaıtyn gepatobılıarly ádisti úırengenin aıtady.

Aldaǵy ýaqytta tájirıbesin is júzinde shyńdaı otyra, elimizdiń medıtsınasyn álemdik deńgeıge jetkizsem degen armany bar.