Qazaq dalasyndaǵy asharshylyq: 100 otbasynyń tarıhy engen kitap tanystyryldy

QARAǴANDY. QazAqparat – E.Bóketov atyndaǵy Qaraǵandy ýnıversıtetiniń ǵalymdary «Ortalyq Qazaqstandaǵy asharshylyq 1931–1933: arhıvtik qujattar men estelikter jınaǵy» atty kitabyn tanystyrdy. Basylymda buryn jarııalanbaǵan muraǵat materıaldary men asharshylyq kýágerleriniń estelikteri jınaqtalǵan, dep habarlaıdy QazAqparat tilshisi.

Tarıhshylar men fılologtar bir jyldan astam ýaqyt eńbek etken.

«Jobanyń maqsaty muraǵattyq qujattardy, sondaı-aq sol qaıǵyly kezeńder týraly áńgimeler saqtalǵan otbasylardyń estelikteri men suhbattaryn jınaý boldy. Jınalǵan materıaldar Qaraǵandy oblysyndaǵy stalındik ujymdastyrý saldarynyń tolyq kórinisin qalyptastyrdy», – deıdi basylymdy qurastyrýshylardyń biri, fılologııa ǵylymdarynyń kandıdaty Larısa Harıtonova.

Mundaı úlken zertteý alǵash ret aımaqtyq bólimde júrgizildi. Tarıhshylardyń qajyrly eńbeginiń arqasynda 90-nan astam muraǵattyq qujattar tabyldy. Olardyń 80% astamy buryn jarııalanbaǵan.

Óz kezeginde fılologtar dalalyq izdeýmen aınalysty. Bul mindet ońaı bolǵan joq. Oqıǵalardyń tikeleı kýágerleri dúnıeden ozǵan. Biraq ǵalymdar olardyń balalarymen jáne nemerelerimen sóılese aldy. Jınaqqa asharshylyqty bastan keshken 100 otbasynyń tarıhy kirdi.

Kitap qazaq jáne orys tilderinde 100 dana taralymmen shyqty. Basylym ǵalymdarǵa jáne Qazaqstan tarıhyna qyzyǵýshylyq tanytqandarǵa arnalǵan. Respýblıka kitaphanalaryna tapsyrý josparlanýda. Sondaı-aq jınaqty QarÝ baspasynan satyp alýǵa bolady.