Qazaq bolyp týǵym keledi: Nurlan Sabyrov qazaqtardyń TMD-daǵy bedeli jaıynda

ASTANA. QazAqparat – Tanymal stendap-komık Nurlan Sabyrov «Nurlan Qoıanbaevpen jańa túngi stýdııa» shoýyna qatysty. Shoý júrgizýshisi Nurlan Qoıanbaevpen áńgime barysynda ol TMD-daǵy qazaqtardyń ımıdji jaıynda aıtty, dep habarlaıdy QazAqparat tilshisi.

«Kórshi elder ártisterimizdi qurmetteıdi. Áńgime Imanbek, Skrıptonıt, men tanymaıtyn ózge de tanymal reperler jaıynda bolyp otyr. Keıbireýler tań qalyp, «qazaqtar ne istep jatyr» deıdi. Biz solaı kórgimiz kelgendikten solaı kórine me, álde shynymen qazirgi ýaqytta álemde qazaqtardyń ýaqyty keldi me?», - dep surady Nurlan Qoıanbaev tanymal ázilkeshten.

Nurlan Sabyrov TMD keńistiginde qazaqtarǵa qatysty qalyptasqan mundaı pikirdiń shyndyqqa janasatynyn aıtady.

«Kópshiligi «qazaq bolyp týǵym» keledi deıdi. Áıteýir bir dúnıeni senen jaqsy, senen asyra jasap shyǵatyn qazaq ár ýaqytta tabylady. Ázil - jumsaq kúsh ekeni túsinikti. Bul Qazaqstanmen tanys emes adamdarǵa yqpal etetini anyq. Jáne bul óte keremet. Menińshe, bul - bastamasy ǵana. Oǵan senimdimin. Bul jaıt ónerde de, mýyzkada da, mádenıette de, sportta da bola beredi. Munyń kúsheıe beretindigine senimim mol», - dedi Nurlan Sabyrov.