Qazaq boksshylary Parıjge attandy

<p>ASTANA. KAZINFORM &mdash; Parıj Olımpıadasynda qazaq jankúıerleri medaldan basty úmit kútip otyrǵan bylǵary qolǵap sheberlerimiz Frantsııaǵa attanyp ketti. Bul týraly QR Boks federatsııasynyń baspasóz qyzmeti málim etti.</p>

«Qazaqstan boks quramasy úshin Olımpıada sapary bastaldy. Bylǵary qolǵap sheberleri Almaty áýejaıynan Frantsııaǵa ushty. Bortta on olımpıadalyq úmit, bapkerler, sparrıng seriktester jáne ǵylymı top músheleri bar. 25 shilde jerebe tartý rásimi ótedi. Sol kúni Otandyq boksshylardyń qaı ýaqytta sharshy alańǵa shyǵatyny anyqtalady», - delingen habarlamada.

Aıta keteıik, Parıj Olımpıadasyna bokstan erler quramasy tolyq quramda bara jatyr. Al áıelder quramasy 3 salmaqta synǵa túsedi. 

Foto: Boks federatsııasy

Erlerden Sáken Bıbosynov, Mahmud Sabyrhan, Muhammedsabyr Bazarbaıuly, Aslanbek Shymbergenov, aǵaıyndy Nurbek Oralbaı men Aıbek Oralbaı jáne Qamshybek Qońqabaev el namysyn qorǵasa, áıelderden Nazym Qyzaıbaı, Karına Ibragımova jáne Valentına Halzova sharshy alańǵa shyǵady. 

Foto: Boks federatsııasy

Esterińizge sala keteıik, qazirgi tańda tórtjyldyq dodaǵa joldama jeńip alǵan qazaqstandyq sportshylarymyzdyń alǵashqy legi Parıjdegi olımpıadalyq qalashyqqa baryp úlgerdi. Qazaqstan quramasy Olımpıada oıyndaryna sporttyń 25 túrinen 92 joldama jeńip aldy. 

Foto: Boks federatsııasy

Frantsııa astanasy Parıj qalasynda ótetin XXXIII jazǵy Olımpıada oıyndary 26 shilde men 11 tamyz aralyǵynda ótedi. 

Foto: Boks federatsııasy

Foto: Boks federatsııasy