Qazaqstandyq boksshylar lıtsenzııalyq týrnırge qashan attanady

<p>ASTANA. KAZINFORM &ndash; Bokstan Italııada ótetin lıtsenzııalyq týrnırge Myrzaǵalı Aıtjanov baptaıtyn boksshylar qashan attanatyny belgili boldy.</p>

«Italııaǵa 29 aqpan kúni attanamyz. Qazir óte joǵary deńgeıde oqý-jattyǵý jıyndaryn ótkizip jatyrmyz. Boksshylarymyz týrnırge tolyqtaı daıyn dep aıta alamyn. 1 naýryz tirkelý kúni. Al ekinshi naýryz kúni jerebe tartylady. Úshinshi naýryz alǵashqy irikteý syndary bastalady», - dep atap ótti bas bapker.

Esterińizge sala keteıik, lıtsenzııalyq týrnır 3-12 naýryz aralyǵynda ótedi. Atalǵan týrnırde Parıj Olımpıadasynyń joldamasyna erler arasynda 51 kelide Sáken Bıbosynov, 57 kelide Mahmud Sabyrhan, 63,5 kelide Muhammedsabyr Bazarbaıuly, 71 kelide Aslanbek Shymbergenov, 80 kelide Nurbek Oralbaı jáne 92 kelide Aıbek Oralbaı talasady.

Erler arasynda 28 joldama sarapqa salynady.

Osyǵan deıin atalǵan týrnırge Qazaqstan áıelder quramasy attanyp ketkenin jazǵan bolatynbyz.