Qazaq bapker baptaıtyn taekvondoshy Olımpıada chempıony atandy

<p>PARIJ. KAZINFORM &ndash; Frantsııa astanasy Parıj qalasynda ótip jatqan Olımpıada oıyndarynda qazaq bapkeri Esbol Sultanov jattyqtyratyn taekvondoshy chempıon atandy.</p>

Naqtyraq aıtsaq, búgingi tańda qazaqstandyq Esbol Sultanov Týnıs eliniń taekvondo quramasynda bas bapker bolyp qyzmet etip júr. Keshe sol qazaq azamaty baptaıtyn Týnıs taekvondoshysy 80 keli salmaqta Parıj Oltmpıadasynyń chempıony atandy.

Týnıstik Fıras Katoýsı fınalda Iran ókilin jeńip, jeńis tuǵyrynyń eń bıik satysyna kóterildi. Bul Týnıs eliniń tarıhyndaǵy osy sport túrinen alǵashqy altyn júlde.

Esbol Sultanov sportshy retinde 2007 jyly Beıjińde ótken álem chempıonatynda, 2006 jyly Dohada ótken Azııa oıyndarynda jáne 2007 jyly Bangkokta ótken jazǵy Ýnıversıadada el namysyn qorǵaǵan bolatyn. Ol 2023 jyldyń qyrkúıek aıynan bastap, taekvondodan Týnıs quramasynyń bas bapkeri qyzmetin atqaryp júr.

Generalnyı partner - AO "FNB "Samrýk Kazyna"
Partner - Fond podderjkı sporta Sport Qory