Qazaq balasyna Gremmı buıyrǵan jyl

NUR-SULTAN. QazAqparat - 2021 jyl mádenı orta úshin nesimen este qaldy degen suraq týyndasa, oıǵa birden Imanbek Zeıkenov (Imanbek) keledi. QazAqparat óner ókilderiniń jyl boıy qol jetkizgen basty jeńisterine sholý usynady.

Aısultan Seıitov – Kanadanyń BooooooomTV Awards 2020 tuǵyrnamasynda «Jyldyń úzdik mýzykalyq vıdeosy atandy («Tylsym álem» atty kompozıtsııaǵa túsirgen vıdeorolıgi úshin).

Aısultan Seıitovtiń aty-jóni – Aıdyn Nuralın.

Imanbek - Grammy ıegeri. (Álem mýzykasynyń juldyzy SAINt JHN atty ánshiniń Roses ánine jazylǵan remıksi úshin).

Amerıkanyń The New York Times gazetinde Imanbek jaıly maqala da jarııalandy.

Aıtýly marapat mýzykantytń qolyna 7 aıdan soń tıdi.

Maıra Muhamedqyzy –«BraVo» halyqaralyq mýzyka syılyǵynyń laýreaty.

«BraVo» halyqaralyq kásibı mýzykalyq syılyǵy 2017 jyly Monte Carlo radıosy men «Rýsskaıa Medıagrýppanyń» qoldaýymen quryldy. Jeńimpazdardy anyqtaýdyń negizgi krıterııi – klassıkalyq mýzyka salasyndaǵy nomınanttardyń oryndaýshylyq sheberligin kórermenderdiń baǵalaýy.

Rýhııa Baıdúkenova – Belarýs eliniń Vıtebsk qalasynda ótken «Slavıan bazary» baıqaýynyń jeńimpazy.

14 memlekettiń ókili qatysqan baıqaýda Rýhııa Baıdúkenova gran-prı ıegeri atanyp, «Altyn lıra» músinshesimen birge 20 myń dollar aldy.

«Ulytaý» etno-rok toby - DJOOKY Music Awards atty halyqaralyq baıqaýdyń jeńimpazy.

«Ulytaý» etno-rok toby AQSh-tyń Los-Andjeles qalasynda ótken DJOOKY Music Awards halyqaralyq mýzykalyq baıqaýynda rok/metall sanaty boıynsha jeńiske jetti. Baıqaýda ujym Mahambet Ótemisulynyń «Jumyr Qylysh» kúıin oryndady. Mýzyka básekesine 83 elden 13 mýzykalyq baǵyt boıynsha myńdaǵan mýzykant qatysqan bolatyn.

Dımash Qudaıbergen de jyl boıy otandastaryn jaǵymdy jańalyqtarymen qýantyp otyrdy. Jyl basynda ol AQSh prezıdentin ulyqtaý aptalyǵynyń ashylý saltanatynda án shyrqady.

Ánshi sharada qazaqtyń «Samaltaý» halyq ánin oryndady.

Al qarasha aıynda Dımash álem boıynsha áleýmettik jelide eń tanymal 10 ánshiniń qataryna kirdi.

Amerıkanyń NetBase Quid atty táýelsiz zertteý kompanııasy áleýmettik jelide attary jıi atalǵan álemge tanymal ánshilerdiń tizimin jasaǵan bolatyn. Dımash Qudaıbergen sol tizimde 9 orynǵa shyqty. Birinshi orynda amerıkalyq ánshi Teılor Svıft, ekinshi orynda koreıalyq BTS tobynyń múshesi JIN jáne úshinshi orynda ońtústikkoreıalyq ánshi Lisa (Blackpink tobynyń eks-múshesi). Sondaı-aq, ánshiler reıtıngine kópke tanymal Adele, Djastın Bıber jáne Arıana Grande sekildi óner juldyzdary bar.