Qazaqstan alǵash ret United Cup týrnıriniń jartylaı fınalyna ótti

<p>ASTANA. KAZINFORM &mdash; Aýstralııada ótip jatqan United Sup týrnırinde Qazaqstan quramasy Germanııany jeńip, jartylaı fınalǵa joldama aldy.</p>

Ekinshi jekeleı synda Germanııadan álemniń 2-raketkasy Aleksandr Zverev oınamaı qaldy da, onyń ornyna reıtıngide 254-oryndaǵy Danıel Mazýr shyqty.

D.Mazýr birinshi partııada Aleksandr Shevchenkodan 7:6 (7:5) esebimen basym tústi.

Degenmen osydan keıin qazaqstandyq tennısshi kambek jasaı bildi — 6:2, 6; 2.

Eki saǵat 15 mınýtqa sozylǵan tartysty matchta Shevchenko 11 eıspen birge 12 breık-poınttyń beseýin paıdalandy. Mazýr 4 eıs, 1 breıkpen (5 breık-poınt) shekteldi.

Osylaısha, esep 2:0 bolyp, Qazaqstan quramasy ótken jylǵy chempıonnan aılasyn asyryp, alǵash ret jartylaı fınalǵa shyqty.

Eske sala keteıik, budan buryn Elena Rybakınanyń Germanııamen matchta Qazaqstandy alǵa shyǵarǵanyn jazǵan bolatynbyz.