«QazAgronyń» 1 jobasy taýyq eti ımportynyń kólemin 20 paıyzǵa tómendetýge múmkindik beredi
Búgin Úkimet otyrysynda Premer-Mınıstr men Mınıstrler kabıneti múshelerine ulttyq holdıngtiń qyzmeti keńinen baıandalǵanyn atap ótken ol: «Búginde holdıngtiń ınvestıtsııalyq portfelinde jalpy quny 263 mlrd. teńge bolatyn 417 joba bar. Jalpy quny 198 mlrd. teńge bolatyn 310 joba paıdalanýǵa berildi. 160 joba 70 paıyzdan asatyn óndiris qýattylyǵyna shyqty, 11 myń jumys orny quryldy. 1 jumysshynyń ónimdiligi 13 myń dollardy qurady. Bul ortasalalyq ónimdilikten 4 paıyzǵa artyq», - dedi.
Onyń atap ótýinshe, aǵymdaǵy jyly holdıng 68 jobany iske qospaq. Onyń 20-sy aǵymdaǵy jyldyń 1-shi jartyjyldyǵynda paıdalanýǵa berildi.
«Biz Úkimetti 1 jobanyń jobalyq qýatyna shyqqandaǵy tıimdiligi jaıynda aqparat berdik. 1 joba óz qýatyna shyqqannan keıin taýyq eti ımportynyń kólemin 20 paıyzǵa, sút jáne sút ónimderi ımportyn 6 paıyzǵa, jemis-jıdek ónimderi ımporty kólemin 4 paıyzǵa tómendetetin bolady», - dedi ol.