«QazAgroQarjy» kompanııasy aǵymdaǵy jyly Qazaqstannyń agroónerkásiptik keshenine 54,9 mıllıard teńge ınvestıtsııa salady
dep habarlady kompanııanyń baspasóz qyzmetinen. Bul somanyń 35 mıllıard teńgesi Ulttyq qor qarajatynan qarastyrylyp otyr. Qarajat aýyl sharýashylyǵy tehnıkalary men arnaýly tehnıkalar, qaıta óńdeý jabdyqtaryn satyp alýdy qarjylandyrýǵa baǵyttalady.
Respýblıkanyń agroónerkásiptik keshenine ınvestıtsııalyq jobalardy iske asyrý sheńberinde «QazAgroQarjy» kompanııasyna 86 mıllıard teńge somaǵa 70 ótinim kelip tústi. Onyń ishinde búgingi tańda iri-taýarly sút fermalaryn qurý baǵytynda Aqtóbe, Qyzylorda jáne Qostanaı oblystarynyń sharýashylyqtarynan kelip túsken 3 ótinim maquldandy. Sonymen birge et baǵytyndaǵy qus fabrıkasyn salýǵa 6 ótinim, Shyǵys Qazaqstan jáne Aqmola oblystarynda aýyl sharýashylyǵy tehnıkalaryn qurastyrý óndiristerin uıymdastyrý boıynsha 2 ótinim maquldandy. Kókónis qoımalaryn salý baǵyty boıynsha 5 joba, jylyjaı keshenderi boıynsha 4 joba jáne tamshylatyp sýarý júıesin engizý boıynsha 1 joba maquldandy. Onyń ishinde 11,8 mıllıard teńgege 13 joba qarjylandyrylyp ta qoıylǵan.
Qoryta kelgende, jalpy somasy 22,6 mıllıard teńgeniń 21 jobasy maquldanǵan. Qazirgi kezeńde 30,7 mıllıard teńgeniń 24 jobasy qaralý ústinde.
«QazAgroQarjy» - QR Úkimetiniń qaýlysymen 1999 jyly qurylǵan kompanııa. Negizgi maqsaty - aýyl sharýashylyq taýar óndirýshilerge qarjy qarajattaryn, sonymen qatar lızıng negizinde aýyl sharýashylyq tehnıkalary men tehnologııalyq jabdyqtaryn alýǵa qolaıly jaǵdaı jasaı otyryp, respýblıkanyń agrarlyq sektoryn damytýǵa qoldaý jasaý. «QazAgro» Ulttyq basqarýshy holdıng» AQ quramyna enedi.