«QazAgroQarjy» AQ aýyl sharýashylyǵyndaǵy 14 ınvestıtsııalyq baǵyttyń operatory
olardy damytýǵa shamamen 94 mlrd. teńge qarjy baǵyttalmaqshy, dep habarlady kompanııanyń baspasóz qyzmetinen.
«QazAgroQarjy» bıylǵy jyldyń maýsym aıynan bastap Qazaqstannyń agroónerkásiptik kesheninde jańa perspektıvalyq baǵyttardy qarjylandyrýǵa kiristi. Bul jerde respýblıkada mal bordaqylaý alańdarynyń, et óńdeý keshenderiniń, asyl tuqymdy mal sharýashylyqtarynyń (reprodýktorlardyń) jelilerin salý jáne olardy qaıta turǵyzý, qazaqstandyq bıdaı eksportynyń jáne ony tereńdetip óńdeý ınfraqurylymyn damytý, bıdaı qoımalaryn salý jáne qaıta jańǵyrtý, sonymen qatar mal soıý pýnktteriniń jelisin qurý jáne juqa jún óndirý men óńdeýdi damytý boıynsha ınvestıtsııalyq jobalardy iske asyrý jóninde sóz bolyp otyr.
Kompanııa kásipkerlerden olardyń jobalaryn qarjylandyrýǵa endigi ótinim qabyldap, olardy qaraı da bastady. Barlyq jobalar boıynsha qarjylandyrý sharttary 8 jyldan 12 jylǵa deıin merzimmen 6 paıyz mólsherleme jáne negizgi boryshty óteý boıynsha ekijyldyq jeńildikti kezeń.
Búgingi tańda ınvestjobalar boıynsha qarjy lımıti kelesideı:
- ınfraqurylymy damyǵan mal bordaqylaý alańdarynyń jelisin qurý - 9.4 mlrd. teńge;
- asyl tuqymdy mal sharýashylyqtarynyń (reprodýktorlardyń) jelisin qurý-10,9 mlrd. teńge;
- vakkýmdyq oramadaǵy bloktyq et jáne iri kesekpen kesilgen et óndiretin et óńdeý keshenderin qurý - 1,6 mlrd. teńge;
- qazaqstandyq bıdaı eksportynyń jáne ony tereńdetip óńdeý ınfraqurylymyn damytý - 10,5 mlrd. teńge;
- astyq qoımalaryn salý jáne qaıta jańǵyrtý - 1 mlrd. teńge;
- mal soıý pýnktteriniń jelisin qurý - 500 mln. teńge.
- taýarly-sút fermalarynyń jelisin qurý jáne qoldanystaǵylaryn damytý - 11,7 mlrd. teńge;
- qus fabrıkalarynyń jelisin qurý jáne qoldanystaǵylaryn damytý - 14,7 mlrd. teńge;
- jylyjaı sharýashylyqtarynyń jelisin qurý jáne qoldanystaǵylaryn damytý - 15,7 mlrd. teńge;
- kókónis qoımalarynyń jelisin qurý jáne qoldanystaǵylaryn damytý - 6,6 mlrd. teńge;
- tamshylatyp sýarý júıesin qoldanýmen jemis-kókónis, tehnıkalyq jáne maı daqyldary óndirisin damytý - 6,8 mlrd. teńge;
- aýyl sharýashylyǵy tehnıkalaryn qurastyrý óndirisin uıymdastyrý - 1,5 mlrd. teńge;
- jemshóp óndirisin damytý - 2,8 mlrd. teńge;
Aýyldaǵy ınvestıtsııalyq jobalardy irikteý jáne olardy odan ári qarjylandyrýdy «QazAgroQarjy» AQ Úkimettiń Ekonomıka men qarjy júıesin turaqtandyrý jónindegi birlesken is-qımyldar jospary sheńberinde júzege asyrady, soǵan sáıkes agroónerkásiptik keshendi údemeli damytýǵa 2009 jyly «QazAgro» Ulttyq basqarýshy holdıngisine 120 mlrd. teńge qarjy bólingen.
Kompanııa 2009 jyldan bastap Ulttyq qordan bólingen qarajat esebinen respýblıkada iri-taýarly sút fermalarynyń, et baǵytyndaǵy qus fabrıkalarynyń, jylyjaı sharýashylyqtarynyń, qazirgi zamanǵy kókónis qoımalarynyń, aýyl sharýashylyǵy tehnıkalaryn qurastyrý óndiristeriniń jelilerin qurýǵa, sonymen qatar tamshylatyp sýarý tehnologııasyn engizýge baılanysty perspektıvalyq jobalardy belsendi túrde qarjylandyryp keledi.