«QazAgroInnovatsııa» AQ jańa basqarma tóraǵasy taǵaıyndaldy

ASTANA. QazAqparat - Qazaqstan Respýblıkasy aýyl sharýashylyǵy vıtse-mınıstri Gúlmıra Isaeva 2013 jyly 5 mamyrda «QazAgroInnovatsııa» AQ ujymyna jańa basqarma tóraǵasyn - Satybaldın Ázimhan Ábilqaıyrulyn tanystyrdy. Osyǵan deıin Ázimhan Ábilqaıyruly QAI AQ Basqarma Tóraǵasy mindetin ýaqytsha atqarýshysynyń orynbasary bolǵan.

Satybaldın Ázimhan Ábilqaıyruly 1959 jyly 13 qazanda Jambyl oblysy Talas aýdanynyń Aqkól aýylynda týǵan. Qazaq aýylsharýashylyq ınstıtýtyn támamdaǵan. Mamandyǵy - ekonomıst-uıymdastyrýshy.

1983 jyly eńbek jolyn Talas aýdany agroónerkásiptik birlestiginiń ekonomısi, Maıtóbe keńsharynyń bas ekonomısi bolýdan bastaǵan; Qazaq qoı sharýashylyǵy tehnologııasy ǵylymı-zertteý ınstıtýtynda kishi jáne aǵa ǵylymı qyzmetker, Qazaq agroónerkásiptik kesheni ekonomıkasy jáne uıymdastyrý ǵylymı-zertteý ınstıtýtynda ǵylymı qyzmetker, bólim meńgerýshisi, ınstıtýt dırektorynyń orynbasary, Qazaq aýyl sharýashylyq ǵylymdary akademııasynyń Bas ǵylymı hatshysy, Shymkent ǵylymı-óndiristik birlestiginiń Bas dırektory, QR Prezıdenti Ákimshiliginiń ekonomıkalyq saıasat bólimi bastyǵynyń birinshi orynbasary, Ulttyq akademııalyq agrarlyq zertteýler ortalyǵynyń Bas dırektory, Agrarlyq ǵylymdar boıynsha Ǵylym akademııasynyń vıtse-prezıdenti, QR Ǵylym mınıstrligi Ǵylym akademııasynyń vıtse-prezıdenti, TQHK túrik tildi elderdiń ıntegratsııalyq baılanysyn zertteý ınstıtýtynyń dırektory qyzmetterin atqarǵan.

2007 jyly mamyrda Qazaqstan Respýblıkasynyń Memlekettik qyzmet isteri jónindegi agenttiktiń Jambyl oblysyndaǵy aýmaqtyq basqarma bastyǵy -Tártiptik keńestiń tóraǵasy bolyp taǵaıyndaldy.

«Qurmet» ordenimen marapattalǵan.