«Qazagro» úıden shyqpaı-aq nesıe alýdyń jolyn túsindirdi

ASTANA. QazAqparat - Qazaqstanda aýyl sharýashylyǵy salasynda nesıe, lızıng nemese kepildi onlaın túrde alýǵa múmkindik berilip otyr. Astanada ótken «dóńgelek ústelde» tyń amaldy tyńǵylyqty túrde  «Qazagro» Ulttyq basqarýshy holdıngi» AQ Basqarma tóraǵasynyń orynbasary Aıgúl Muhamadıeva túsindirip berdi, dep habarlaıdy «QazAqparat» HAA tilshisi.

«Biz holdıngtiń qyzmeti úshin ótinim berý, ıaǵnı kepil jáne nesıe alýdyń júıesin jasap shyǵardyq. ıAǵnı, holdıngtiń enshiles 4 kompanııasynan: «Agrarly nesıe korporatsııasy» AQ, «Aýyl sharýashylyǵyn qarjylaı qoldaý qory» AQ, «QazAgrokepil» AQ men «Qazagroqarjy» AQ lızınginiń qyzmetterin budan bylaı kazagro.kz portalyna elektrondy túrde ótinim berip alýǵa bolady. Demek, siz ózińizdiń keńseńizde otyryp-aq ótinim bere alasyz. Eń bastysy, ınternet bolýy qajet. Biz bul júıeni jasaǵan kezde «ınternet-dúken» qaǵıdaty boıynsha barynsha qarapaıym ári túsinikti etip ázirleýge tyrystyq», - deıdi Aıgúl Muhamadıeva.

Tóraǵa orynbasarynyń aıtýynsha, atalǵan portalda holdıngtiń negizgi enshiles kompanııalarynyń kórsetetin «nesıe, lızıng jáne kepil» sekildi qyzmetin alýǵa bolady. Portalǵa kirgen klıenttiń eki múmkindigi bar: eger ol ózine qandaı qyzmet (nemese nesıe) keregin bilse, portaldan tirkeýden ótedi. Al qandaı qyzmettiń keregin áli ajyratpasa, «izdeý» arqyly ony tańdap ala alady.

«Ol úshin mynadaı múmkindik bar: enshiles kompanııalardyń kórsetýge daıyn qyzmetterdiń tolyq tizimin kilt sózder, baǵyttar nemese qandaı da bir parametrler arqyly taýyp alýǵa bolady. Ótinim berý aldynda júıe klıentke birneshe saýal qoıady. Sizdiń jaýabyńyzǵa qaraı, júıe sizge nesıe nemese kepil qyzmetterin usynady. Máselen, nesıe qyzmetin tańdap alsańyz, siz kompıýterlik kalkýlıator arqyly nesıe tóleý kestesi qandaı ekenin kóresiz», - deıdi ol.
 

Aıgúl Muhamadıeva bul protsess kezinde klıent júıeni túsinbegendikten, ótinim bere almaı qınalýy yqtımal ekenin aıtady. Ondaı jaǵdaıda klıent 8800 080 89 87 nómirine habarlasyp, call-ortalyqtan keńes ala alady. Júıede buǵan qosa, onlaın-kómekshi de bar. Demek, sizdi mazalaǵan suraqqa birden onlaın-jaýap ala alasyz. Sonymen birge, ótinimdi berý tártibi vıdeo jáne mátin túrinde berilgen.

«Qyzmet tańdalyp alynǵannan keıin klıent elektrondy sandyq qoltańba arqyly portalǵa tirkeledi. Demek, holdıngtiń enshiles kompanııasyna nesıe boıynsha ótinim bergen kezde siz joldaǵan barlyq qujattar qazirgi qoldanystaǵy zańnama boıynsha zańdy bolyp tabylady. Júıe ishinde ótinimniń mártebesin, ony qabyldanǵanyn nemese qabyldanbaǵanyn, qarastyrylǵanyn jáne maquldanǵanyn jeke kabınette onlaın bilip otyrýǵa bolady. ıAǵnı, ótinim maquldansa, klıent kelisimge qol qoıý úshin kompanııaǵa shaqyrylady», - dep túıdi kompanııa basshysynyń orynbasary.