«QazAgro» men Azyq-túlik qaýipsizdigi jónindegi Islam uıymy memorandýmǵa qol qoıdy
Kezdesý barysynda seriktestermen birlesken jumystyń eki negizgi baǵyty anyqtaldy - Qazaqstannyń agroónerkásip keshenindegi ınvestıtsııalary jáne AQIU-ǵa múshe elderge otandyq agrarlyq óndirýshilerdiń ónimderin eksporttaýǵa kómek kórsetý. Budan basqa, taraptar alǵa qoıǵan josparlardy ilespeli tıimdi iske asyrý máseleleriniń keńeıtilgen spektrin talqylady.
Eki uıymnyń bastamalary ózara túsinistik týraly birlesken memorandýmda bekitildi, oǵan Azyq-túlik qaýipsizdigi jónindegi Islam uıymy tarapynan AQIU sekretarıatynyń Bas dırektory Erjan Jalmuhanov jáne «QazAgro» ulttyq holdıngi tarapynan onyń Basqarma tóraǵasy Nurlybek Malelov qol qoıdy.
Ekijaqty qujat yntymaqtastyqtyń kelisilgen baǵyttary boıynsha mándi jumysty boljaıtynyn atap ótý qajet. Mysaly, Qazaqstannyń AÓK ınvestıtsııalar bóliginde birlesken qyzmet josparlanady, ol eksportqa baǵdarlanǵan aýylsharýashylyq jobalaryn qarjylandyrýmen, tikeleı ınvestıtsııalar qorynyń quraldary arqyly tikeleı sheteldik ınvestıtsııalar tartýmen, agrarlyq saladaǵy jobalardy qarjylandyrý úshin qarjy ónimderi men ıslamdyq qarjylandyrý ádisnamasyn ázirleýmen, sondaı-aq keıinnen AÓK salasynda ınnovatsııalardy engizý arqyly tehnologııalardyń transfertimen baılanysty.
Qazaqstandyq eksportty qoldaý isinde «Azyq-túlik kelisim shart korporatsııasy» UK» AQ arqyly saýda operatsııalaryn keńeıtý, Islam yntymaqtastyǵy uıymyna múshe elderde aýylsharýashylyq ónimderiniń óndirisi jáne jetkizý úshin paıdalanylýy múmkin qaıtadan engizilgen sýarmaly jerlerdi qosa alǵandaǵy respýblıkanyń ekonomıkalyq áleýetiniń kartasyn ázirleýge kómek kórsetý boljanady. Budan basqa, AQIU jáne «QazAgro» Islam yntymaqtastyǵy uıymynyń azyq-túlik taýarlarynyń kózderi-elderiniń kartasyna Qazaqstandy engizýge kómektesý jóninde kelisti.
Azyq-túlik qaýipsizdigi jónindegi Islam uıymy Qazaqstan Prezıdenti N.Nazarbaevtiń Islam yntymaqtastyǵy uıymy elderiniń syrtyq ister mınıstrleriniń 38-shi sessııasy barysynda aıtqan bastamasy boıynsha quryldy.
Uıym múshe-elderdiń aýyl sharýashylyǵyn, azyq-túlik qaýipsizdigin tıimdi damytý, bıotehnologııalardy damytý, shóldený, erozııa jáne topyraqtyń tuzdanýynan týyndaǵan problemalardy sheshý boıynsha tehnıkalyq daıyndyqty qamtamasyz etedi. Uıym azyq-túlik qaýipsizdigin qamtamasyz etý úshin rezervter qurý arqyly tótenshe jáne gýmanıtarlyq kómek kórsete alady. Uıymǵa 31 el kiredi.
Aıta keteıik, «QazAgro» ulttyq basqarýshy holdıngi» AQ óziniń qurylymyna kiretin kompanııalardyń ınvestıtsııalyq aktıvterin tıimdi basqarý arqyly, Qazaqstannyń agroónerkásiptik keshenin damytý boıynsha memlekettik saıasatty iske asyrady. Holdıngtiń quramyna «Azyq-túlik kelisim-shart korporatsııasy» ulttyq kompanııasy» AQ, «QazAgroÓnim» AQ, «QazAgroQarjy» AQ, «Agrarlyq nesıe korporatsııasy» AQ, «Aýyl sharýashylyǵyn qarjylaı qoldaý qory» AQ, «QazAgroKepil» AQ jáne «QazAgroMarketıng» AQ enedi.