«QazAgro» kóktemgi egis jumystaryn 52,5 mlrd.teńge kóleminde qarjylandyrdy

ASTANA. 14 maýsym. QazAqparat - Bıylǵy jylǵy kóktemgi egistik naýqany kezinde «QazAgro» ulttyq basqarýshy holdıngi» AQ tarapynan respýblıkanyń sharýashylyqtary men agroqurylymdaryn qarjylandyrý somasy 52,5 mlrd. teńgeden astamdy qurady.

Kóktemgi-egis jáne jınaý jumystaryn júrgizý sheńberindegi Ulttyq holdıngtiń enshiles kompanııalary AÓK sýbektileriniń 3 028 ótinimin qarjylandyrdy, bul ótken jyldyń kórsetkishinen 737 ótinimge artyq. Sonymen birge, jazǵy jáne egin jınaý jumystary boıynsha aýylsharýashylyq taýar óndirýshilerin qarjylandyrý jalǵasady.

«QazAgro» kompanııasy tobynyń qarjylandyrǵan ótinimderiniń eń kóbi naýqandy erterek aıaqtaǵan Ońtústik Qazaqstan oblysynyń sharýashylyqtaryna jáne respýblıkanyń negizgi astyqpen aınalysatyn aımaqtaryna tıesili. Egistik barysynda qarjylaı qoldaý 926 ótinish boıynsha kórsetildi. 16 mlrd. Teńge - Qostanaı oblysyna, 838 14,1 mlrd. teńge - Aqmola oblysyna, 930,1 mln. teńge - Pavlodar oblysyna, 18,7 mlrd. teńge Soltústik-Qazaqstan oblysyna berildi. OQO 444,8 mln. teńge somasyna qarjylandyryldy.

«QazAgro» ulttyq holdınginiń enshiles kompanııasy - «Aýyl sharýashylyǵyn qarjylaı qoldaý qory» AQ úlesterinde shaǵyn jerleri bar sharýashylyqtardy qoldaýǵa baǵyttalǵan óziniń «Eginjaı» baǵdarlamasy sheńberinde 2013 jyldan bastap 951,9 mln.teńge somasyna 307 nesıelik qaryz berdi. Jaqyn arada Qor taǵy da 19,9 mln.teńge somasyna 6 nesıelik qaryz berýdi josparlap otyr.

Qajet aýylsharýashylyq tehnıkalarymen qamtamasyz etý bóliginde Holdıngtiń quramyndaǵy lızıng kompanııasy «QazAgroQarjy» AQ aýyl turǵyndarynan jalpy somasy 14,8 mlrd.teńgege ótinimder qabyldady, onyń ishinde 1 119 birlik tehnıkaǵa lızıng sharty jasaldy, jalpy quny 10,8 mlrd. teńge, dep habarlady «QazAgro» UBH» AQ baspasóz qyzmetinen.