«QazAgro» Qazaqstannyń agrosalasyna eýrooblıgatsııa ornalastyrý jolymen 600 mln.eýro tartty
Atalǵan ornalastyrý QazAgronyń halyqaralyq kapıtal naryǵyna ekinshi shyǵarylym boldy jáne 2007 jyldan beri Qazaqstannan eýroda alǵashqy shyǵarylym. Alǵashqy shaǵyrylym 2013 jylǵy mamyrda merzimi 10 jylǵa, jyldyq 4,625% stavka boıynsha somasy 1 mlrd. AQSh dollaryna eýrooblıgatsııa shyǵarylymyn debıýtti ornalastyrǵan. Jańa shyǵarylymnyń birlesken uıymdastyrýshylary Citi,HSBC jáne The Royal Bank of Scotland bolyp shyqty, al qaǵazdardyń ishki naryqtaǵy usynysy «Tsesna Kapıtal» AQ kómegimen júzege asty. 12 mamyrdan 14-ne deıin QazAgronyń negizgi halyqaralyq ınstıtýtsıonaldy ınvestorlarmen Frankfýrtte, Mıýnhende, Londonda, Amsterdamda jáne Parıjde birqatar kezdesýleri ótti. Kezdesýler qorytyndysy boıynsha Qazaqstan Respýblıkasynyń ekonomıkalyq damýy jáne áleýmettik-ekonomıkalyq damýdaǵy QazAgronyń aýyl sharýashylyq salasyndaǵy mańyzdy strategııalyq róli týraly jaǵymdy pikirler aıtylyp, jalpy qolaıly naryqtyq jaǵdaı men Reseı Federatsııasynan uzaq merzimdi emıtent shyǵarylymynyń bolmaýy Holdıngke eýropalyq ınstıtýtsıonaldy ınvestrorlar jaǵynan salaǵa joǵary qyzyǵýshylyq pen shyǵarylym tartýǵa múmkindik berdi. Ótkizilgen kezdesýler qorytyndylary boıynsha shyǵarylymǵa ótinimderdiń aqyrǵy kitaby 240 halyqaralyq ınvestorlardan 2,7 mlrd.eýrodan astam somany qurady, olardyń kóp bóligi Qazaqstannyń agrarlyq salasyna alǵashqy ret ınvestıtsııalady. Bul 2007 jylǵy daǵdarystan bastap Qazaqstandyq emıtentter ishindegi jáne 2014 jyldyń aqpanynan TMD elderiniń arasynda eýroda halyqaralyq oblıgatsııa shyǵarylymynda alǵashqy shyǵarylym boldy. QazAgronyń qaǵaz ornalastyrýy búkil naryq tarıhyndaǵy qazaqstandyq emıtenttiń jáne TMD elderindegi barlyq ornalastyrýdyń ishindegi eýroda qaryz quny boıynsha rekordtyq tómen boldy. Birqatar halyqaralyq mamandar QazAgronyń jańa shyǵarylymyn úlken jetistik retinde anyqtap, sondaı aq Qazaqstannyń ózge kvazımemlekettik emıtentteriniń qatarynda Holdıngtiń mártebesin birinshi klasty qaryz alýshy etip, sonymen qatar kapıtaldardyń ǵalamdyq naryqtarynda QazAgronyń bedelin nyǵaıtty. Ornalastyrý nátıjelerine túsinik bere otyryp, «QazAgro» Basqarma Tóraǵasy Dýlat Aıtjanov bylaı dedi: «Biz Holdıngtiń eýrooblıgatsııalarynyń kezekti ornalastyrý jumysynyń aıaqtalýyna qanaǵatpyz. Álemdik kapıtal naryǵyndaǵy turaqty jaǵdaıynda jáne QazAgronyń qysqa merzimde daıyndyq jumystarynyń júrgizilýi óziniń qaryz qorjynynda valıýtany dıversıfıkatsııalaý úshin eýroda orta merzimdi qarajatty tartýǵa múmkindik berdi jáne Qazaqstan tarıhynda barynsha tómen stavka boıynsha birqatar qarjy resýrstaryn tartty. Ornalastyrýdan túsken qarajat «Agrobıznes-2020» 2013-2020 jyldary Agroónerkásiptik damý baǵdarlamasy sheńberinde memleketpen maquldanǵan uzaq merzimdi basym jobalardy iske asyrýǵa jumsalatyn bolady. Aımaq boıynsha ınvestorlar bazasyn bólý statıstıkasy: Germanııa / Avstrııa: 38% Ulybrıtanııa: 32% Qalǵan Eýropa: 23% Qazaqstan: 1% Basqalar: 6% Investorlar qoryn túrleri boıynsha bólý statıstıkasy: Basqarýshy kompanııalar: 81% Bankter / Jeke kapıtalmen basqarylatyn kompanııalar: 11% Saqatndyrý kompanııalary / zeınetaqy qorlary: 7% Basqalar: 1% Mámileniń negizgi talaptary: Emıtent: «QazAgro» ulttyq basqarýshy holdıngi» AQ Shyǵarylym reıtıngteri: BBB+ (turaqty boljam) / BBB (turaqty boljam) Bereshek túri: pursatty qamtamasyz etilmegen Shyǵarylym pishimi: Reg S Óteý merzimi: 22 mamyr 2019j. Esep aıyrysý kúni: 22 mamyr 2014j. (T+5) Shyǵarylym kólemi: 600 mln. eýro Kýpon: 3,255% Ornalastyrý baǵasy: 100,00% Lıstıng: Irlandııa jáne Qazaqstan qor bırjalary QazAgro» ulttyq basqarýshy holdıngi» AQ óziniń quramyna kiretin kompanııalardyń ınvestıtsııalyq aktıvteriniń tıimdi basqarylýyn qamtamasyz etý arqyly Qazaqstannyń agroónerkásiptik keshenin damytý boıynsha memlekettik saıasatty iske asyrady. Holdıngtiń quramyna «Azyq-túlik kelisimshart korporatsııasy» ulttyq kompanııasy» AQ, «QazAgroÓnim» AQ, «QazAgroQarjy» AQ, «Agrarlyq nesıe korporatsııasy» AQ, «Aýyl sharýashylyǵyn qarjylaı qoldaý qory» AQ, «QazAgroGarant» AQ jáne «QazAgroMarketıng» AQ kiredi.