«QazAgro» Qazaqstannyń agrarlyq salasyna 600 mln. eýro tartty
Bul QazAgronyń halyqaralyq kapıtal naryǵyna ekinshi shyǵarylymy boldy jáne 2007 jyldan bergi eýrodaǵy alǵashqy shyǵarylym. Jańa shyǵarylymnyń birlesken uıymdastyrýshylary - Citi,HSBCı The Royal Bank of Scotland, al qaǵazdardyń ishki naryqtaǵy usynysy «Tsesna Kapıtal» AQ kómegimen júzege asty, dep habarlaıdy «QazAgro» UBH" AQ baspasóz qyzmeti. .
12 mamyrdan 14-ine deıin QazAgronyń negizgi halyqaralyq ınstıtýtsıonaldy ınvestorlarmen Frankfýrtte, Mıýnhende, Londonda, Amsterdamda jáne Parıjde birqatar kezdesýleri ótti. Kezdesýler qorytyndysy boıynsha Qazaqstan Respýblıkasynyń ekonomıkalyq damýy jáne áleýmettik-ekonomıkalyq damýdaǵy QazAgronyń aýyl sharýashylyq salasyndaǵy mańyzdy strategııalyq róli týraly jaǵymdy pikirler aıtylyp, jalpy qolaıly naryqtyq jaǵdaı men Reseı Federatsııasynan uzaq merzimdi emıtent shyǵarylymynyń bolmaýy Holdıngke eýropalyq ınstıtýtsıonaldy ınvestrorlar jaǵynan salaǵa joǵary qyzyǵýshylyq pen shyǵarylym tartýǵa múmkindik berdi.
Birqatar halyqaralyq mamandar QazAgronyń jańa shyǵarylymyn úlken jetistik retinde baǵalady, sondaı-aq Qazaqstannyń ózge kvazımemlekettik emıtentteriniń qatarynda Holdıngtiń mártebesin birinshi klasty qaryz alýshy etip, sonymen qatar kapıtaldardyń ǵalamdyq naryqtarynda QazAgronyń bedelin nyǵaıtty.
Ornalastyrý nátıjelerine túsinik bergen «QazAgro» Basqarma tóraǵasy Dýlat Aıtjanov: «Biz Holdıngtiń eýrooblıgatsııalarynyń kezekti ornalastyrý jumysynyń aıaqtalýyna qanaǵattanamyz. Álemdik kapıtal naryǵyndaǵy turaqty jaǵdaıy jáne QazAgronyń qysqa merzimde daıyndyq jumystarynyń júrgizilýi óziniń qaryz qorjynynda valıýtany dıversıfıkatsııalaý úshin eýroda orta merzimdi qarajatty tartýǵa múmkindik berdi jáne Qazaqstan tarıhynda barynsha tómen stavka boıynsha birqatar qarjy resýrstaryn tartty. Ornalastyrýdan túsken qarajat «Agrobıznes-2020» 2013-2020 jyldary Agroónerkásiptik damý baǵdarlamasy sheńberinde memleketpen maquldanǵan uzaq merzimdi basym jobalardy iske asyrýǵa jumsalatyn bolady»,-dep atap ótti.