«QazAgro» holdınginiń top-menedjeri kúdikke ilindi
«QR Aýyl sharýashylyǵy mınıstrligi «QazAgro» Holdınginiń «Agrarlyq nesıe korporatsııasy» AQ Basqarýshy dırektory – Basqarma múshesine qatysty sybaılas jemqorlyq qylmysyn jasady degen kúdikpen sotqa deıingi tergeý bastaldy. Ol memlekettik fýnktsııalardy oryndaýǵa ýákiletti tulǵaǵa teńestirilgen bola otyryp, óz quzyretine kirmeıtin sheshimdi qabyldaǵany, ıaǵnı Aqtóbe oblysynda ornalasqan kepildik múlik – elevatordy satý-satyp alý kelisimshartyn jasaǵany úshin aldaý jáne senimdi teris paıdalaný arqyly «Inter-Agro» jáne «InterAgroTreıd» JShS quryltaıshysy men basshysyna tıesili buryn kelisilgen 200 myń AQSh dollarynan 20 mıllıon teńgeni ıemdenip ketken», - delingen Sybaılas jemqorlyqqa qarsy qyzmeti habarlamasynda.
Kúdikti ustalyp, Nur-Sultan qalasy Polıtsııa departamentiniń ýaqytsha ustaý ızolıatoryna qamaldy.
Qamaýǵa alý túrindegi bultartpaý sharasyn tańdaý týraly másele sheshilýde. Kúdiktige qatysty túpkilikti sheshimdi onyń kinásiniń deńgeıin anyqtaý arqyly sot qabyldaıtyn bolady.