«QazAgro» holdıngi jalpy kólemi 265,7 mlrd. teńgeniń 424 aýyl sharýashylyǵy jobalaryn qarjylandyrylýda

ASTANA. QazAqparat - 2014 jyly «QazAgro» Ulttyq holdıngi kompanııalar toby Soltústik Qazaqstan oblysynyń sharýashylyqtaryna 645 analyq bas iri qara mal men 35 asyl tuqymdy buqalardy ıelenýge qarjy baǵyttady. Sonymen qatar respýblıka boıynsha holdıng 12 127 bas analyq ІQM men 593 asyl tuqymdy buqa satyp alýǵa qarjy bóldi.

Bul týraly «QazAgro» ulttyq holdıngisiniń baspasóz qyzmeti habarlady.

Ótken jyly Soltústik Qazaqstan oblysyna holdıng qarjysynyń esebinen 883 bas ІQM ákelindi.

2014 jyldyń basyndaǵy jaǵdaı boıynsha «QazAgro» Ulttyq holdıngi kompanııalary oblystyń agroónerkásiptik keshenin qoldaýǵa 17,8 mlrd. teńgeden astam qarjy baǵyttady, bul holdıngtiń jalpy respýblıka boıynsha qarjylandyrý kórsetkishiniń 17 paıyzyn quraıdy /101,6 mlrd.teńge/. 2013 jyly Soltústik Qazaqstan oblysy boıynsha agrosalany qarjylandyrýdyń jalpy kólemi 30 mlrd. teńgeni qurady.

«QazAgro» holdınginiń Soltústik Qazaqstan oblysy boıynsha ınvestıtsııalyq qorjynynda 15,2 mlrd. teńge somasyna 48 joba bar, bul 1019 jumys oryndaryn qurýǵa múmkindik berdi, sondaı aq onyń 11,4 mlrd. teńge somasyna 37 joba paıdalanýǵa berildi jáne 864 jumys oryndary quryldy. Sonymen birge respýblıkanyń aýyl sharýashylyǵy salasynda jalpy kólemi 265,7 mlrd. teńge somasyna 424 joba qarjylandyrylýda.

Oblys boıynsha iske asyrylǵan ınvestıtsııalyq jobalardyń ishinde: sút óńdeý zaýytyn qurý, 5000 bas ІQM arnalǵan «Zenchenko jáne Kompanııa» fırmasy; 2000 bas ІQM arnalǵan «Taıynsha-Astyq» JShS sút-taýar fermasy, 200 bas analyq basqa arnalǵan asyl tuqymdy sharýashylyq qurý /reprodýktor/ «Mámbetov jáne kompanııa»; «Atameken-Agro-Tımırıazevo» JShS reprodýktoryn qurý; «Egin» JShS-da makaron jáne jaıma óndirisi; 83 ga jerge kókónis ónimderi óndirisin qurý /pııaz/ boıynsha «Astyk-STEM» JShS; bir ýaqytta 10 myń tonna astyq saqtaý boıynsha «Zagradovskoe» JShS astyq saqtaý qoımasy» sııaqty ınnovatsııalvyq jobalar bar.