«QazAgro» holdıngi» AQ basqarma tóraǵasynyń jańa orynbasary taǵaıyndaldy

ASTANA. 23 qazan. QazAqparat - «QazAgro» ulttyq basqarýshy holdıngi» AQ Dırektorlar keńesiniń sheshimimen Holdıngtiń basqarma tóraǵasynyń orynbasary bolyp Dáýren Maqajanov taǵaıyndaldy. Bul týraly holdınginiń baspasóz qyzmeti habarlady.

Holdıngtiń ujymyna jańa orynbasardy basqarma tóraǵasy Dýlat Aıtjanov tanystyrdy.

Dáýren Sábıtuly Maqajanov 1980 jylǵy 19 naýryzda Ońtústik-Qazaqstan oblysynyń Kentaý qalasynda týǵan. Soltústik-Qazaqstan memlekettik ýnıversıtetin,  A.Myrzahmetov atyndaǵy Kókshetaý ýnıversıtetiniń magıstratýrasyn bitirdi. Ekonomıka ǵylymdarynyń kandıdaty.

Ártúrli jyldary Qazaqstan Respýblıkasynyń ekinshi deńgeıdegi bankterinde: Petropavl qalasyndaǵy «Qazkommertsbank» AQ fılıalynda; Almaty qalasynda  «ATF Bank» AQ;   Astana qalasynda  «Alıans Bank» AQ-da qyzmet atqardy. 2011 jylǵa deıin «QazAgroQarjy» AQ basqarma tóraǵasynyń orynbasary qyzmetin atqardy.  Jańa taǵaıyndalýǵa deıin «Agrarlyq nesıe korporatsııasy» AQ basqarma tóraǵasy boldy.