«QazAgro» holdıngi agrarlyq sharýashylyqtardy biriktirý jobalaryna kiristi
Atap aıtqanda, Aqmola oblysyndaǵy «Óńirlik Astyq Holdıngi» JShS 2016 jyly birlestiktiń jańa qatysýshylary esebinen egistik alańdaryn qazirgi 360 myń gektardan 1 mln. gektarǵa deıin keńeıtedi. Bul týraly holdıngtiń baspasóz qyzmetinen habarlandy.
«Sharýashylyqtarda kepildik bazasynyń jetispeýshiligi, keı ýaqytta tipten bolmaýy, kóptegen aýylsharýashylyq taýar óndirýshileriniń qarjy qarajatyn alýyna qıyndyqtar týǵyzatyn basty sebepterdiń biri bolyp tabylady. Nesıe resýrstarynyń jetispeýshiligi aýyldaǵy shaǵyn jáne orta bıznestiń basqa problemalary -tehnıkalyq jaraqtalýynyń nasharlyǵy men óndiristiń usaq taýarlyǵyna alyp kelýde. Osyǵan oraı, «QazAgro» usynysy boıynsha kooperatsııa jáne yntymaqty jaýapkershilik prıntsıpterinde astyq óndirýshilerdi biriktirý boljanady», - delingen baspasóz baıanynda.
Bul rette holdıng ekinshi deńgeıli bankter arqyly osyndaı birlestikterdi kepilzatsyz qarjylandyrý shemasyn ázirlegen. Osylaısha, «QazAgro» muqııat zertteýden keıin Qazaqstanda agrarlyq saladaǵy kooperatsııanyń álemdik tájirıbesin synaqtan ótkizdi dese de bolady. Atap aıtqanda, Ulttyq holdıngtiń bastamasyna 113 shaǵyn jáne orta sharýashylyq qoldaý tanytyp, olar 2015 jyldyń basynda egistik naýqanynyń aldynda úsh aımaqtyq kooperatsııalardy biriktirgen. Túıindeı aıtqanda, «QazAgro» ınnovatsııalyq sheshiminiń máni mynada: sharýalar birigip kepilzat usynbaı nesıe qarajattaryn alady. Qarajatty qaıtarý kepildigi kooperatıv músheleriniń bir-biriniń aldyndaǵy jaýapkershiligi bolady. Sondyqtan birlestik alǵashynda agrarlyq saladaǵy jumys tájirıbesin, sharýashylyqtardyń jaǵymdy nesıe tarıhtaryn esepke ala otyryp qatysýshylardyń ózderimen qurylady.
«Búgingi kúni kooperatıvke kirgen sharýashylyq basshylarynyń aıtýy boıynsha, Birlestikterge qatysý fermerler úshin birqatar artyqshylyq beredi. Onyń eń bastysy - kóktemgi-egis jumystaryn kepildiksiz qarjylandyrýǵa qoljetimdilik jáne tuqymdy, tyńaıtqyshtardy, qosalqy bólshekterdi, janarmaıdy kótermelep satyp alýdyń esebinen eń arzan baǵamen alý múmkindigi bolyp tabylady. Budan basqa, birlestiktiń korporatıvtik mashına-traktor stansalary, astyq qoımalary sekildi qyzmetterge qoljetimdiligi arta túsedi», - delingen baspasóz baıanynda.
Jobanyń iske asyrý barysyn astyq óndirýshilerden basqa da kóptegen sharýashylyqtar baqylaýda. Mysaly, búgingi kúnniń ózinde, respýblıkanyń ońtústik aımaqtarynyń kúrish óndirýshileri kooperatsııa prıntsıpindegi birlestik qurý múmkindigin talqylaýda.