«QazAgro» holdıngi 2015 jyly 75 ınvestıtsııalyq jobany iske asyrady
12:24, 18 Aqpan 2015
ASTANA. QazAqparat - «QazAgro» Ulttyq basqarýshy holdıngi» AQ 2015 jyly 75 ınvestıtsııalyq jobany iske asyrýdy josparlap otyr.
Bul týraly búgin OKQ brıfınginde holdıng basqarma basshysynyń mindetin atqarýshy Dáýren Maqajanov aıtty.
«Byltyrǵy qorytyndylar boıynsha, jalpy quny 39,3 mlrd. teńge bolatyn 73 joba júzege asyryldy. Al 2015 jyly 75 iri ınvestıtsııalyq jobalardy iske asyrý josparlanǵan», - dedi ol.
D. Maqajanovtyń aıtýynsha, búginde holdıngtiń ınvestıtsııalyq qorjynyna jalpy somasy 309,1 mlrd. teńgeni quraıtyn 477 joba enedi. Olardyń 365-i iske qosylyp, 236-sy óndiristik qýattylyǵynyń 70 paıyzyna jetken.