«QazAgro» fermerlerdiń qaraýsyz qalǵan jerlerdi ıgerýine yqpal etýde
Basqarýshy holdıng qurǵan baǵdarlama Qazaqstandaǵy aýyl sharýashylyǵy baǵytyndaǵy qaraýsyz qalǵan jerlerdi aınalymǵa engizýge túrtki bolýy kerek. Bul bastama Aqmola oblysyndaǵy sharýa qojalyqtarynda qolǵa alyndy, dep habarlaıdy «QazAgro» UBH» AQ baspasóz qyzmeti.
«Jer kadastry ǵylymı-óndiristik ortalyǵy» RMK / MemjerǴÓO/ málimetteri boıynsha 2012-2013 jyldary respýblıkanyń aýyl sharýashylyǵyna arnalǵan 90 mln. gektar jerdiń 61,2 mln. gektary nemese 65,9%-y ınventarızatsııalandy. Júrgizilgen ınventarızatsııa barysynda 5 mln. gektar alqaptyń aýyl sharýashylyǵyna arnalǵan 12,0 myń gektary qaraýsyz qalǵandyǵy anyqtaldy, onyń ishinde 669,9 myń gektary - egistik, sonyń 14,6 myń gektary - sýarmaly. MemjerǴÓO málimetterine sáıkes, qaraýsyz qalǵan 2,5 mln. gektar jer shamasynyń negizgi aýmaǵy sharýalar men fermerlik sharýashylyqtardyń ıelenýinde.
Aýyldyqtardyń jer alqaptaryn maqsat boıynsha qoldanbaýynyń birneshe sebepteri bar. Eń bastysy - aýyl sharýashylyq tehnıkasynyń joqtyǵy nemese jetispeýshiligi jáne qarjylandyrýǵa qol jetkizý úshin ótimdi kepilzat máselesi. Ereje boıynsha qaraýsyz qalǵan jerler memleket menshigine qaıtarylyp, al jer ıeleri ákimshilik jaýapkershilikke tartylady. «QazAgronyń» «Esil» ÁKK qatysýymen júzege asyrylǵan ilki jobasy sharýashylyqtarǵa óz jerlerin saqtap qana qoımaı, sonymen qatar jaqsy egin ónimderin alýǵa múmkindik beredi.
Іlki jobany iske asyrý sheńberinde búgingi kúni Aqmola oblysyndaǵy Zerendi aýdany alqaptarynda mehanıkalyq jáne hımııalyq óńdeý jumystary júrgizilýde. Atalmysh oblys qaraýsyz qalǵan jerleri kóp (937,1 ga) aımaqtardyń biri ekendigin atap ótken jón.