«QazAgro» bıyl 2 myń tonna et eksporttamaq

ASTANA. QazAqparat - «QazAgro» kompanııasy aǵymdaǵy jyly shetelge 2 myń tonna et jáne et ónimderin eksporttaýdy josparlap otyr. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte «QazAgro» UBH basshysy Dýlat Aıtjanov málim etti.

«Aǵymdaǵy jyly 2 myń tonna et jáne et ónimderin, 375 tonna jún jáne jún buıymdaryn, 500 tonna óńdelmegen teri men daıyn ónim eksporttaý josparlanyp otyr», - dedi ol.

Sonymen qatar, onyń atap ótýinshe, 2020 jylǵa deıin astyqty eksporttaý ınfraqurylymyn damytý maqsatynda syıymdylyǵy 1404,5 myń tonnalyq qoıma salý kózdelýde. Qazirgi ýaqytta bul baǵytta syıymdylyǵy 687 myń tonnalyq joba júzege asyrylýda.

«Buǵan qosa, ulttyq holdıng aǵymdaǵy jyly eksporttyq áleýeti 4200 tonna et jáne mal sharýashylyǵy ónimderin quraıtyn birqatar kompanııany qarjylandyrdy. Ol óz ónimderin Qazaqstannan tysqary aýmaqtarda saýdalaýda jáne biz premıým-synypty sıyr etin Máskeý qalasynda satýdamyz», - dedi D.Aıtjanov.