«QazAgro» Astananyń Azyq-túlik beldeýin damytý úshin jańa sheshim usyndy
QR Úkimetiniń talqylaýyna shyǵaryldy, dep habarlady holdıngtiń baspasóz qyzmetinen.
Esterińizge sala keteıik, «QazAgro» ulttyq holdıngi Memleket basshysynyń tapsyrmasyna sáıkes Astana qalasynyń aınalasyndaǵy 300 shaqyrymdyq aýmaqta aýylsharýashylyq ónimderiniń óndirisi men qaıta óńdeý jobalaryn qarjylandyrady. Búginde holdıng 33,8 mlrd. teńge somasyna 61 jobany qarjylandyrý ústinde. Onyń ishinde qazirgi ýaqytta 56 óndiristik nysan paıdalanýǵa berildi jáne elorda naryqtaryna ónimderin shyǵaryp turady.
Holdıngtiń aqparatyna qaraǵanda, óndiristi ınfraqurylymdyq qamtamasyz etý shyǵyndary, qazirgi zamanǵy tehnologııalyq sheshimderdiń jetispeýshiligi Astananyń azyq-túlik beldeýin jandandyrýǵa kedergi keltirýde. Sonymen qatar ónimderdi saýda jelilerine jetkizýdiń josparly bolmaýy, kólik-logıstıkalyq qyzmettiń damymaǵandyǵy, ónim jetkizýshi otandyq óndirýshilerdi qoldaýdyń zańdy rettelýiniń bolmaýy da qolbaılaý bolýda.
Osyǵan oraı «QazAgro» holdıngi agrarlyq óndiris ókilderimen pikirlese otyryp, atalǵan máseleni sheshý joldarynyń biri retinde óndirýshiler men saýda jelileriniń kúnsaıynǵy jedel ózara áreketin toǵystyratyn taýar ótkizýshi júıesin qurýdy usynady. Jańa júıeni engizý Astananyń Azyq-túlik beldeýi sheńberinde jumys isteıtin barlyq taraptarǵa járdem bere alar edi.