«QazAgro» agroónerkásiptik keshendi damytýǵa baǵyttaǵan ınvestıtsııasynyń kólemi 106,5 mlrd. teńgeni qurady
Onyń 25 paıyzynan astamy nemese 28 mlrd. teńgesi aýylsharýashylyq ónimderin satyp alýǵa, 78 mlrd. teńge kólemindegi qalǵan qarajat - AÓK sýbektileri men turǵyndardy nesıeleýge jumsaldy. Bul týraly atalmysh holdıngtiń baspasóz qyzmetinen habarlandy.
Baspasóz habarlamasynyń málimetinshe, AÓK-di jáne turǵyndardy nesıeleýge baǵyttalǵan 78 mlrd. teńge somasy ótken jyldyń tıisti kezeńiniń deńgeıinen 15 paıyzǵa artqan. Negizinde kórsetkishtiń ósimi mal sharýashylyǵy ónimderiniń óndirisin nesıeleý kóleminiń 3,2 esege artýyna baılanysty (3,3 mlrd. teńgeden 10,7 mlrd. teńgege deıin). Sondaı-aq, 2012 jyldyń birinshi jarty jyldyǵynyń qorytyndysy boıynsha holdıngtiń enshiles kompanııasy «Agrarlyq nesıe korporatsııasy» AQ arqyly 8 mlrd.101 mln.teńge somasyna 127 nesıe seriktestikterin nesıelendirgen. Qaryz alýshylary 246 birlik aýylsharýashylyq tehnıkasyn, 145 birlik topyraq óńdeıtin aýylsharýashylyq jabdyqtaryn, 40 myń bas mal (iri qara mal (ІQM), usaq maldar, jylqy, túıe, shoshqa) satyp aldy.
Sonymen qatar, aýyldyq jerlerdegi aýylsharýashylyǵyna jatpaıtyn qyzmet túrlerin damytýǵa qoldaý kórsetý sheńberinde jyldyń basynan bastap 47,8 mln.teńge somasyna 5 qaryz alýshy qarjylandyryldy. Osyndaı qoldaýlar aýyldyq jerlerdegi ınfraqurylymdy damytý maqsatynda 2007 jyldan bastap kórsetiletini jaıly aıta ketý qajet.