«QazAgro» 50 mlrd. teńgege 75 ınvestıtsııalyq jobany júzege asyrmaq
12:37, 23 Maýsym 2015
ASTANA. QazAqparat - 2015 jyly «QazAgro» Ulttyq basqarýshy holdıngi» AQ 50 mlrd. teńgege 75 ınvestıtsııalyq jobany júzege asyrýdy josparlap otyr. Bul týraly búgin Ortalyq kommýnıkatsııalar qyzmetinde ótken baspasóz máslıhatynda holdıngtiń basqarýshy dırektory Aıgúl Muhamedıeva málim etti.
«Bıyl 75 ınvestıtsııalyq jobany taǵaıyndaý kózdelýde. Qazirgi ýaqytta 30 joba júzege asyryla bastady. Jalpy somasy 50 mlrd. teńge shyǵady», - dedi ol.
A. Muhamedıevanyń sózen qaraǵanda, ınvestıtsııalyq jobalar ómirge engizilgennen soń, jemis-jıdek ımporty 76 paıyzǵa, et ımporty 30 paıyzǵa kemıdi. Indýstrıalandyrý kartasynda 106 joba holdıngtiń qarjylandyrylýymen júzege asyp jatyr. Olardyń jalpy quny 159 mlrd. teńgeni qurady. Shamamen 6 myń jumys orny ashyldy.
«Al jalpy Ulttyq qordyń qarjylandyrýymen 161 joba paıdalanýǵa berildi. Olardyń jalpy quny 142 mlrd. teńgeni qurady», - dedi ol.