Qazaeronavıgatsııa Qazaqstan aspanynan qansha tabys taýyp otyr

<p>ASTANA. KAZINFORM &ndash; Kólik mınıstrligi Kazinform saýalyna joldaǵan jaýapta &laquo;Qazaeronavıgatsııa&raquo; respýblıkalyq memlekettik kásiporny Qazaqstan aspanynan qansha tabys taýyp otyrǵanyn málim etti.</p>

- Sońǵy 10 jylda «Qazaeronavıgatsııa» RMK memlekettik bıýdjetke 67 mlrd 494 mln 940 myń teńge aýdarǵan. Al sońǵy 5 jylda 39 mlrd 686 mln 86 myń teńge aýdardy. 2023 jyly «Qazaeronavıgatsııa» RMK memlekettik bıýdjetke 38 mlrd 636 mln 459 myń teńge aýdarǵanyn atap ótemiz. Sońǵy 10 jyldaǵy «Qazaeronavıgatsııa» RMK-nyń Qazaqstan Respýblıkasynyń áýe keńistiginde áýe qozǵalysyna aeronavıgatsııalyq qyzmet kórsetý boıynsha túsken tabysy - 870 mlrd 127 mln 389 myń teńge, - dep jazylǵan jaýapta.

Onyń ishinde shyǵystar - 527 mlrd 916 mln 53 myń teńge, korporatıvtik tabys salyǵy - 78 mlrd 815 mln 48 myń teńge, tapqan taza paıdasy - 263 mlrd 396 mln 288 myń teńge ekeni kórsetilgen.

- Sońǵy 5 jylda «Qazaeronavıgatsııa» RMK-nyń Qazaqstan Respýblıkasynyń áýe keńistiginde áýe qozǵalysyna aeronavıgatsııalyq qyzmet kórsetý boıynsha túsken tabysy - 559 mlrd 102 mln 509 myń teńge. 2023 jyly «Qazaeronavıgatsııa» RMK-nyń qyzmetinen túsken kiris 184 mlrd 63 mln 55 myń teńge boldy. Onyń ishinde shyǵystar - 87 mlrd 670 mln 671 myń teńge, korporatıvtik tabys salyǵy - 19 mlrd 119 mln 465 myń teńge, paıda - 77 mlrd 272 mln 919 myń teńge, - delingen resmı málimette.

Sondaı-aq jaýapta kásiporynnyń shyǵystary Qazaqstannyń áýe keńistiginde aeronavıgatsııalyq qyzmet kórsetýden túsken óz qarajaty esebinen qarjylandyrylatyny aıtylǵan.

Aıta ketý kerek, kásiporyn mynandaı qyzmetter usynýmen aınalysady:

• Qazaqstannyń áýe keńistiginde jáne áýeaılaq aýdandarynda áýe qozǵalysyn josparlaý jáne oǵan qyzmet kórsetý;
• Ushýdy jáne ushý kezindegi baılanys qyzmetterin radıotehnıkalyq turǵydan súıemeldeý;
• Qazaqstannyń áýe keńistigin paıdalanýshylarǵa aeronavıgatsııalyq aqparat usyný;
• Ushý qaýipsizdigin basqarý;
• Avıatsııalyq qaýipsizdikti qamtamasyz etý;
• Ushýdy meteorologııalyq turǵydan súıemeldeý;
• Azamattyq avıatsııa salasy jumyskerlerin bastapqy daıarlaý, qaıta daıarlaý, biliktiligin arttyrý;
• Avıamedıtsınalyq qyzmet, azamattyq avıatsııa salasynyń avıatsııalyq personalyn kýálandyrý.