Qaza tapqan kenshilerdiń balalaryna barlyq qajetti qoldaý kórsetiledi

<p>Kostenko shahtasyndaǵy órtten qaza tapqan kenshilerdiń balalaryna barlyq qajetti qoldaý sharalary kórsetiledi. Bul týraly Oqý-aǵartý mınıstrliginiń Balalardyń quqyqtaryn qorǵaý komıtetinen málim etti, dep habarlaıdy Kazinform.</p>

Qaraǵandy oblysynda Kostenko atyndaǵy shahtada bolǵan qaıǵyly oqıǵaǵa baılanysty Oqý-aǵartý mınıstrliginiń Balalardyń quqyqtaryn qorǵaý komıteti qaza tapqandardyń otbasylaryna kóńil aıtady. Oqý-aǵartý mınıstriniń tapsyrmasy boıynsha qaza tapqan kenshilerdiń balalaryna barlyq qajetti qoldaý sharalary kórsetiletin bolady», - delingen komıtettiń Instagram paraqshasynda jarııalanǵan aqparatta.

Vedomstvo málimetinshe, Qaraǵandy oblystyq bilim basqarmasynyń janynan qaza tapqan jáne zardap shekkenderdiń balalaryna kómek kórsetý úshin Oqý-aǵartý mınıstrliginiń, bilim basqarmasynyń, Qaraǵandy oblysynyń Bala quqyǵy jónindegi óńirlik ýákiliniń, mektepterdiń, áleýmettik pedagogtardyń, pedagog-psıhologtardyń ókilderinen turatyn mobıldik top quryldy.

Mobıldi top jumysynyń aıasynda balalardyń tizimderi qalyptastyrylýda. Qaza tapqan jáne zardap shekkenderdiń otbasylarynan shyqqan balalarǵa jan-jaqty psıhologııalyq kómek kórsetiledi.