Qaza bolǵan órt sóndirýshi Aıdos Toǵyzbaevtyń otbasyna páter berildi

SEMEI. QazAqparat – Abaı oblysynda dala órtin sóndirý kezinde qaza bolǵan órt sóndirýshi Aıdos Toǵyzbaevtyń otbasyna páter berildi, dep habarlaıdy QazAqparat QR Tótenshe jaǵdaılar mınıstrligine silteme jasap.

12 qarasha kúni «Qaraǵaıly» yqshamaýdanynda ornalasqan turǵyn úıdegi 3 bólmeli páterdiń kilti marqum Aıdos Toǵyzbaevtyń jubaıy men balalaryna tabystaldy. Baspanany syılaǵan «Azııa Fırma» JShS bas dırektory Sáýle Dosqojanova men oblystyq máslıhat depýtaty Ásemqan Dosqojanov otbasyn qonys toıymen quttyqtady.

Eske salaıyq, bıylǵy 7 qyrkúıekte Jarma aýdanynda dala órtin sóndirý kezinde Aıdos Toǵyzbaev qatty kúıik jaraqatyn alyp, qaza tapqan edi. 36 jasta bolǵan órt sóndirýshiniń artynda bes balasy men jary qaldy.

QR Prezıdenti A.Toǵyzbaevty ІІІ dárejeli «Aıbyn» ordenimen marapattady. Nagradany onyń otbasyna Abaı oblysynyń ákimi Nurlan Uranhaev tabystady.

Foto: gov.kz