KAZ Minerals talantty jastarǵa ınvestıtsııa salyp otyr
Mamandyq tańdaý – adamnyń jan tynyshtyǵyn, qarjylyq áleýetiniń joǵary bolýyn qamtamasyz etip, bolashaqqa senimmen qaraý turǵysynda sheshý sát sanalady.
Joǵary synypta Álibı Jumaǵazynovtyń aldynda qıyn tańdaý turdy – ol ne kolledjde óziniń súıikti kásibine úırenedi nemese ózi qalamaǵan mamandyq úshin joǵary bilim alýǵa tıis edi. Álibı bala armanyn júzege asyrýǵa bel baılady.
Mektep bitirgennen keıin Abaı oblysy, Aıagóz aýdany, Aqtoǵaı aýylynyń týmasy Geologııalyq barlaý kolledjine oqýǵa tústi. Araǵa eki jyl salyp ol hımııa-bakterıologııalyq saraptaý laboranty qyzmetine kirisedi.
«Mıkrobıologııa, hımııalyq reaktsııalar, mıneraldarǵa qyzyǵýshylyǵym Aqtoǵaı rýdnıgine arnaıy shaqyrýmen saıahattap kelgende paıda bolǵan edi. Sodan keıin KAZ Minerals Tobynyń grant bóletinin bildim. Kásiporyn keńsesine kelip mamandarmen sóıleskennen keıin berilgen múmkindikti paıdalanýǵa bel býdym», - deıdi ekinshi kýrs stýdenti Álibı Jumaǵazynov.
Búginde kásiporyn bólgen grant arqyly 7 stýdent kolledjde «Tabıǵı resýrstardy qorǵaý jáne tıimdi paıdalaný» mamandyǵy boıynsha bilim alyp jatyr.
«Qazaqstandaǵy ekologııaǵa erekshe kóńil bóline bastaǵanyn eskere otyryp bul salaǵa basymdyq beriledi. Biz aýyl túlekteriniń mundaı qajet mamandyqqa tegin oqytylyp jatqanyna qýanyshtymyz», - deıdi Geologııalyq barlaý kolledji dırektorynyń orynbasary Nadejda Ignatenko.
2018 jyldan bastap KAZ Minerals Toby orta jáne joǵary bilimge arnalǵan granttar bólip keledi. Aıagóz aýdanyndaǵy 64 jasóspirim bul múmkindikti utymdy paıdalandy.
Kásiporyn stýdentterdiń oqý, jataqhana jáne shákirtaqysyn tóleıdi. Sonymen qatar kásibı bilim berý júıesiniń materıaldyq bazasyn jaqsartyp, Aıagóz polıtehnıkalyq kolledjindegi 50 stýdenttiń stıpendııasyn qarjylandyrady.
«Bizdiń maqsat – ózimiz jumys isteıtin aımaq turǵyndaryn qoldaý. Grant bólý kezinde kásiporynǵa jaqyn ornalasqan Aqtoǵaı, Qopa, Tańsyq aýyldarynyń abıtýrıentterine basymdyq beriledi, jáne olardyń bilikti mamandardyń jetekshiligimen óndiristik tájirıbeden ótýine kepildik bar», - deıdi «KAZ Minerals Aktogay» JShS oqytý bóliminiń bastyǵy Jánibek Іlııasov.
Dıplom alǵan jas mamandarda kásiporynda aqysy tólenetin óndiristik taǵylymdamadan ótýge, ol sátti aıaqtalǵanda negizgi qyzmet bólimderine aýysýǵa múmkindik bar.