Qaıyrymdylyqpen aınalysatyn azamattarǵa qurmetti ataq berilýi múmkin

NUR-SULTAN. QazAqparat – Qazaqstanda qaıyrymdylyqpen aınalysatyn azamattarǵa qurmetti ataq berilýi múmkin. Bul týraly Aqparat jáne qoǵamdyq damý mınıstrliginiń buıryǵy «Ashyq NQA» saıtynda ashyq talqyǵa shyǵaryldy, dep habarlaıdy QazAqparat tilshisi.

«Qaıyrymdylyq salasyndaǵy qurmetti ataq ony damytý men nyǵaıtýǵa eleýli úles qosqan azamattar men uıymdarǵa beriledi. Laıyq adam men uıymdy Aqparat jáne qoǵamdyq damý mınıstriniń komıssııasy anyqtaıdy. Onyń quramyna qoǵam qaıratkerleri, qaıyrymdylyq salasyndaǵy ýákiletti jáne múddeli memlekettik organdar men uıymdardyń ókilderi kiredi. Komıssııaǵa qurmetti ataq alýǵa úmitkerler múshe bola almaıdy», - delingen qaýlyda.

Qurmetti ataq beriledi:

- qaıyrymdylyqpen aınalysatyn sýbektilerge;

- qaıyrymdylyq jasaýshylarǵa;

- volonterlerge.

Qujatqa sáıkes, qurmetti ataq tabystaý saltanatyn 5 qyrkúıek - Halyqaralyq qaıyrymdylyq kúnine oraı uıymdastyrý josparlanǵan.