«Qaıyrymdylyq týraly» Zań qaıyrymdylyq ınvestıtsııalar kólemin arttyrýǵa yqpal etti

NUR-SULTAN. QazAqparat – «Qaıyrymdylyq týraly» Zań qaıyrymdylyq ınvestıtsııalar kólemin 4 esege arttyrýǵa yqpal etti. Bul týraly «Qaıyrymdy ister marafonynyń» bastalýyna arnalǵan is-sharada Aqparat jáne qoǵamdyq damý mınıstri Aıda Balaeva málim etti, dep habarlaıdy QazAqparat tilshisi.

Mınıstrdiń aıtýynsha, qazirgi kezde kún tártibine volonterlik ári qaıyrylymdylyq qyzmetti yntalandyrý máselesi engizilgen. Osy maqsatta zań shyǵarýshylyq jumystary júrgizilýde. Osy turǵyda eriktilergen qatysty túrli jeńildikter qarastyrylǵan.

Onyń sózine qaraǵanda, qaıyrymdylyq mádenıetin júıeli damytý maqsatyda «Qaıyrymdylyq týraly» Zań qabyldandy. bul óz kezeginde qaıyrymdylyq ınvestıtsııalary kólemin 4 esege, halyqtyń onlaın qaıyrymdylyqqa qatysýyn 3 esege arttyrýǵa yqpal etti.

«Qazirgi ýaqytta Prezıdenttiń tapsyrmasy boıynsha túsinikti ári tıimdi quqyqtyq tetikterdi qamtıtyn túzetýler pysyqtalyp jatyr», - dedi Aıda Balaeva.