Qaıyrymdylyq marafony oıymdy túbegeıli ózgertti – volonter
«Bizdiń qoǵamdyq qorda kóp adam joq. Soǵan qaramastan kómek berýge árqashan daıynbyz. Byltyr óńirde «Álem barlyǵyna birdeı» qaıyrymdylyq marafony ótkizildi. Atalǵan shara barysynda múmkindigi shekteýli balalardy qoldaý baǵytynda naqty ister júzege asty. Oǵan kóptegen adam jınaldy», - deıdi ol.
Tatıana eriktiler qozǵalysynyń barlyq baǵyty boıynsha jumys júrgizýdi qalaıdy. Degenmen, «Tótenshe jaǵdaılar salasyndaǵy eriktiler» baǵyty boıynsha kóbirek kóńil bóledi. Kómek berýdi suraǵan azamattardyń barlyǵyna qol ushyn sozýǵa tyrysady. Ol ózi qyzmet atqaratyn qorda sol baǵyttaǵy jobalarǵa jetekshilik jasaıdy. Nátıjesinde byltyr «Tótenshe jaǵdaılar salasynda úzdik volonter» ataǵyna laıyqty dep tanyldy. Bıyl Tótenshe jaǵdaılar departamenti mamandary ótkizgen oqý barysynda adamdardy sýdan qutqarý isin jan-jaqty úırenip aldy.
«Men volonterlik qyzmetke bala jasymnan keldim desem de artyq emes. Búgingi kúnge deıin zoovolonter bolyp júrmin. Qaraýsyz qalǵan janýarlardy qorǵaýǵa nazar aýdaramyn. Bala kezimde kórshi turatyn qarııa kisilerge qolǵabys jasaıtyn edim. Qorǵa qyzmetke kelerdiń aldynda oılandym. Qaıyrymdylyq marafony oıymdy túbegeıli ózgertti. Aldaǵy ýaqytta bul jolda kóptegen jobalardy júzege asyramyn degen oıdamyn» , - dedi Tatıana.
Aıta keterligi, bıyl Qyzylorda oblysynda eriktiler shtaby qurylǵan edi.
«Qazir ózimniń jobam boıynsha jumys atqarǵan joqpyn. Ony aldaǵy ýaqytta kóre jatamyz. Búginde elimizde karantın. Barlyq ternıngter onlaın túrde ótip jatyr. Biz UNICEF jáne Ulttyq volonterlik júıe alǵys aıtamyz. Bul kezeńde biz úshin qanshama qundy keńes berdi» , - dep atap ótti volonter.
Karantın ýaqytynda qyzylordalyq volonterlermen birge Tatıana turǵyndarǵa bir tettik medıtsınalyq maskalar taratty, qajet etken otbasylarǵa azyq-túlik jetkizip berdi. Polıtsııa departamenti qyzmetkerlerimen birge reıdter shyǵyp, karantın talabyn buzýshylarmen kúres júrgizdi. Turǵyndarǵa qajetti dárilerdi jetkizýge atsalysty.