Qaıyrymdylyq kómek kórsetý kezindegi salyq jenildikteriniń tizbesi keńeıtildi
20:08, 19 Qańtar 2023
ASTANA. QazAqparat - Qazaqstan Respýblıkasynyń 2022 jylǵy 21 jeltoqsandaǵy 165-VII QR Zańymen Salyq kodeksine qaıyrymdylyq kómek kórsetý nemese alý kezinde salyqtardy esepteý boıynsha ózgerister engizildi, dep habarlaıdy QazAqparat QR QM Memlekettik kirster komıtetiniń baspasóz qyzmetine silteme jasap.
Salyq kodeksiniń 1-babynyń jańa redaktsııasyna sáıkes salyq salý maqsattary úshin tótenshe jaǵdaı saldarynan zardap shekken jeke tulǵaǵa múlikti óteýsiz negizde berý qaıyrymdylyq kómek dep tanylady.
Jarǵylyq kapıtalynda memlekettiń júz paıyzdyq úlesi bar zańdy tulǵa qor nysanynda qurylǵan kommertsııalyq emes uıymnan óteýsiz alynǵan múlik qunyn, memlekettik menshik obektilerin kúrdeli jóndeý men rekonstrýktsııalaý qunyn korporatıvti tabys salyǵy boıynsha kirisine qospaıdy.
«Qor nysanynda qurylǵan kommertsııalyq emes uıym qaıyrymdylyq kómek sheńberinde taýarlardy, jumystardy, kórsetiletin qyzmetterdi óteýsiz negizde berý kezinde qosylǵan qun salyǵynan bosatylady»,-delingen habarlamada.