Qaıyrymdylar klýby elordalyq 1000 otbasyna kómek kórsetti

NUR-SULTAN. QazAqparat - Karantın bastalǵan sátten beri «Astana qaıyrymdylar klýby» elordalyq 1000 otbasyna kómek kórsetti. Bul týraly atalǵan klýbtyń úılestirýshisi Dınara Bekmaǵambetova aıtty, dep habarlaıdy QazAqparat tilshisi.

«Karantın kezinde klýb tarabynan elordalyq 1000 otbasyǵa kómek kórsetildi. Sonymen qatar qala mańyndaǵy eldi meken turǵyndaryna da qoldanǵan kelgen kómegimizdi kórsetip jatyrmyz. Kún saıyn bizdiń volonterlar kómek suraǵan otbasylarǵa azyq-túlik jetkizip beredi», - dedi ol.

Onyń atap ótýinshe, búginde klýbtyń 1 myńǵa jýyq volonteri bar. Degenmen onyń ishinde 70-i belsendi volonter sanalady. Qazirgi karantınge baılanysty elorda kóshelerinde júrýge birqatar shekteýler bar. Sondyqtan klýb 10 volonterge arnaıy ruqsat qaǵazyn jasatqan. Olar muqtaj otbasylarǵa azyq-túlik jetkizýmen aınalysady.

«Klýbqa volonter bolýǵa nıeti bar kez kelgen adamdy qabyldaımyz. Biraq, klýbtyń ishki erejeleri bar. ıAǵnı, aıyna bir ret kezekshi bolý, kómek suraǵan otbasylardy tekserý jáne ótkiziletin is-sharalarǵa belsene qatysý qajet. Árıne belsendi jandardy klýbymyzǵa shaqyramyz», - dedi Dınara Bekmaǵambetova.