Qaıyrbek Óskenbaev sheteldik kólik alýǵa nege jeńildetilgen avtonesıe berilmeıtinin túsindirdi

NUR-SULTAN. QazAqparat – QR Indýstrııa jáne ınfraqurylymdyq damý mınıstri Qaıyrbek Óskenbaev sheteldik kólik alýǵa nege jeńidetilgen avtonesıe berilmeıtinin túsindirdi, dep habarlaıdy QazAqparat tilshisi.

«Sheteldik kólik alýǵa jeńildetilgen avtonesıe berile me, berilmese nege qarastyrylmaǵan?», - dep surady BAQ ókili Úkimettiń otyrysynan keıin ótken brıfıngide.

«Árıne, qarastyrylmaıdy. Bul – nonsens. Biz nege bóten óndiriske, bóten jumys kúshterine, ózgeniń salyq salynatyn bazasyna jeńildik usynýymyz kerek pe? Árıne, joq. Tek otandyq óndiristiń kólikterine ǵana jeńildetilgen avtonesıe beriledi. Biz ózimizdiń óndiriske ǵana, ózimizdiń salyq salynatyn bazamyzǵa jáne ózimizdiń jumys oryndaryna avtonesıe berýimiz kerek», - dedi Qaıyrbek Óskenbaev.

Atalǵan sharada QR vedomstvo basshysy ýtılızatsııalyq alymnyń ózgerýi kólik baǵasyn azrandatpaıtynyn da aıtty.

«Shetelden keletin kólikterdiń baǵasyn da erteńinde túsiredi dep aıtýǵa esh negiz kórip otyrǵan joqpyn. Mysaly, jol talǵamaıtyn qymbat kólik ákelse, óz qaltasyna salatyn quny ósedi de, halyq úshin arzandamaıdy dep oılap otyrmyn», - dedi mınıstr.