Qaıyrbek Óskenbaev keńse qaǵazynyń baǵasy týraly pikir bildirdi

NUR-SULTAN. QazAqparat – Úkimet otyrysynan keıin BAQ ókilderiniń suraqtaryna jaýap bergen QR Indýstrııa jáne ınfraqurylymdyq damý mınıstri Qaıyrbek Óskenbaev keńse qaǵazynyń baǵasy qalaı retteletinin túsindirdi, dep habarlaıdy QazAqparat tilshisi.

«Qazaqstan keńse qaǵazynyń sonshalyq tapshylyǵy bolady dep oılamaımyn. Óıtkeni másele baǵanyń qalyptasýynda bolyp tur. Qandaı baǵamen satylyp jatyr degendeı. Qazir biz qaǵazdy syrttan ákelemiz. Negizgi jetkizýshi Reseı Federatsııasynan 61%-y keledi. Qajet bolǵan jaǵdaıda bizdiń bıznes-qurylymdar baǵdaryn ıkemdeıdi dep oılaımyn. Qandaıda da bir kedergiler týyndap jatsa, qaǵaz jetkizýdiń balama marshrýattary jetkilikti. Bizde qaǵaz kesý óndirisi bar. ıAǵnı, rýlondaǵy qaǵaz óndirisi bar. Eki sondaı zaýyt bar. Al shıkizatty basqa elderden ákelemiz», -dedi mınıstr.

Onyń aıtýynsha, baǵanyń ósýin quzyrly organdar tekserýi qajet.

«Baǵany qadaǵalaıtyn arnaıy organdar bar, solar tekseredi. Baǵanyń nege ósip jatqanyn bilmeımin. Óıtkeni keshe ǵana meniń tapsyrmam boıynsha mamandar «Abdi» kompanııasyna baryp qaıtty. Olar 3000 teńgeden satyp jasta, ózge dúkender 5-6 myń teńgeden satqan. Biraq búgin tańaerteń «Abdi» je baǵany kótergenin estidim. Tıisti organdar tekseretin shyǵar. Óıtkeni bul ózge organdardyń quzyryndaǵy sharýa», -dedi Qaıyrbek Óskenbaev.