Qaıyrbek Óskenbaev aýyl turǵyndaryn aýyz sýmen qamtý kórsetkishi tómen óńirlerdi atady
«Memleket basshysy osy jyldyń 1 qyrkúıegindegi Joldaýynda 2025 jyly halyqtyń sapaly aýyz sýǵa qol jetimdiligin 100 paıyzǵa jetkizýdi tapsyrdy. Osy maqsatta, «Qýatty óńirler – eldi damytýdyń draıveri» Ulttyq jobasy aıasynda 2025 jyly atalǵan kórsetkishke qol jetkizý josparlanǵan. 2020 jyldyń qorytyndysynda elimizde sýmen jabdyqtaý qyzmetine qoljetimdilik 94,1 paıyzdy, onyń ishinde aýyldyq jerde – 90,1, al qalalarda 97,5 paıyzdy qurady. Osy jyldyń aýyldarda – 91,8, qalalarda 98 paıyzdyq josparly kórsetkishi oryndalady», - dedi ol Májilistegi dóńgelek ústel barysynda.
Onyń atap ótýinshe, elimizdiń keıbir óńirlerinde aýyl turǵyndaryn sapaly aýyz sýmen qamtý kestesinen arta qalý baıqalady. Atap aıqanda, aýyl turǵyndaryn aýyz sýmen qamtýdaǵy eń tómengi kórsetkish Qostanaı oblysynda - 64,7, Shyǵys Qazaqstan oblysynda - 81,4, Soltústik Qazaqstan oblysynda - 82,1 jáne Jambyl oblysynda 82,2 paıyzdy quraıdy.
«Osyǵan oraı qamtý kórsetkishi tómen óńirlerge basym negizde qarajat bólinedi. Bul arta qalyp qoıǵan óńirlerdiń kórsetkish deńgeıin arttyrýǵa múmkindik beredi. Sonymen qatar «Aýyl – el besigi» arnaýly jobasyna jáne óńirlerdi damytýdyń keshendi josparyna qosylǵan jobalalaryn qosylǵan aýyldarǵa basymdyq beriledi», - dedi Qaıyrbek Óskenbaev.