Qaıtys bolǵan sarbaz oqıǵasy boıynsha shara qabyldanýda - Qorǵanys mınıstrligi

NUR-SULTAN. QazAqparat – QR Qorǵanys mınıstriniń orynbasary Sultan Qamaletdınov Jambyl oblysynda áskerı qyzmetke shaqyrylǵan sarbazdyń qaıtys bolýyna qatysty pikir bildirdi, dep habarlaıdy QazAqparat.

«Kúdikti de jaqynda ǵana áskerı boryshyn óteýge kelgen jigit. Men qazir olardyń qandaı qarym-qatynasta bolǵanyna jaýap bere almaımyn. Onyń ústine ekeýi de batys óńirlerden, bireýi Atyraý oblysynan, ekinshisi Mańǵystaý oblysynan», - dep jaýap berdi mınıstrlik ókili Májilis otyrysynan keıin tilshilerge bergen suhbatynda.

Spıker atalǵan oqıǵa boıynsha shara qabyldanyp jatqanyn aıtty.

«Qarýly Kúshterde uıymdastyrýshylyq jáne tehnıkalyq jaǵynan kóptegen túrli sharalar ótkiziledi. Turaqty baqylaý jasalady. Bizde ár bólimde, bólimshede psıhologııalyq baqylaý júrgizetin psıhologtar engizilgen. Áskerı bólimshelerde túrli dárejedegi komandırler turaqty túrde baqylaý júrgizedi. «Jaýynger dos» sııaqty bir joldas ekinshisi úshin jaýap beretin tájirıbe engizildi. Tehnıkalyq turǵydan biz qazir kazarmalarda, jeke quram ornalasqan jerlerde beınebaqylaý júrgizip jatyrmyz. Sonymen qatar jeke qurammen tárbıe jumysy da júrgiziledi. Biraq jas jigit 18 jyl boıy óz otbasynda tárbıelense, onda keshirińiz, biz ony bir jylda tárbıelemeımiz. Bizdiń basty mindetimiz – oǵan Otanyn qorǵaýdy úırený úshin áskerı mamandyqtyń negizderin úıretý. Ol balabaqshada, mektepte jáne eń bastysy otbasynda tárbıelendi», - dedi S. Qamaletdınov.

Eske sala keteıik, Álibek Qalbaı Jambyl oblysyndaǵy Gvardeısk áskerı qalashyǵyndaǵy gospıtalde merzimdi áskerı qyzmetke shaqyrylyp, sol jerde qaıtys boldy.