Qaıtys bolǵan elordalyq dáriger Oljabaı Qojaǵalıev «Parasat» ordenimen marapattaldy

NUR-SULTAN. QazAqparat – Elorda ákimdiginde medıtsına qyzmetkerlerin memlekettik nagradalarmen marapattaý rásimi ótti. QazAqparat bul týraly Nur-Sultan ákimdiginiń resmı saıtyna silteme jasap habarlaıdy.

Elordadaǵy kópbeıindi medıtsınalyq ortalyqtyń hırýrgııa bóliminiń meńgerýshisi Oljabaı Qojaǵalıev jaqynda kóz jumǵan bolatyn. Ol «Parasat» ordenimen marapattaldy. Marapatty qala ákiminiń orynbasary Baqtııar Máken dárigerdiń uly Arman Qojaǵalıevqa tabystady.

Oljabaı Qojaǵalıev 1958 jyly 1 naýryzda Soltústik Qazaqstan oblysynda dúnıege kelgen. Ómiriniń 34 jylyn óz mamandyǵyna arnaǵan. Aýdandyq aýrýhananyń dárigerinen bastap astanalyq emhananyń hırýrgııa bóliminiń meńgerýshisine deıin eńbek jolyn júrip ótken.

1986 jyldyń shildesinen 1987 jyldyń qyrkúıegine deıin - Mamlút ortalyq aýdandyq aýrýhanasynda hırýrgy. 1987 jyldyń qyrkúıeginen 1991 jyldyń tamyzyna deıin aýdandyq aýrýhanalarda hırýrg boldy. 1991 jyldyń tamyzynan 1997 jyldyń tamyzyna deıin - Koreev aýdandyq aýrýhanasynyń hırýrgııa bóliminiń meńgerýshisi.

1997 jyldyń qyrkúıeginen 1999 jyldyń sáýirine deıin - dıagnostıkalyq bólimniń endoskopısti.

1999 jyldyń sáýirinen 1999 jyldyń jeltoqsanyna deıin - Astana qalasynyń Medıtsınalyq qyzmetterge aqy tóleý ortalyǵy departamentiniń medıtsınalyq qyzmetter sapasyn basqarý bóliminiń jetekshi mamany.

1999 jylǵy jeltoqsannan 2000 jylǵy maýsymǵa deıin - elordalyq medıtsınalyq qyzmetter departamentiniń medıtsınalyq-analıtıkalyq bóliminiń sarapshy hırýrgi-bas mamany.

2000 jyldyń maýsymynan 2009 jyldyń naýryzyna deıin - irińdi hırýrgııa bóliminiń meńgerýshisi. 2009 jyldyń naýryzynan 2015 jyldyń tamyzyna deıin - hırýrgııa bóliminde hırýrg.

2015 jyldyń tamyz aıynan bastap qazirgi ýaqytqa deıin Nur-Sultan qalasy ákimdiginiń №2 kópsalaly medıtsınalyq ortalyǵy hırýrgııa bóliminiń meńgerýshisi bolyp jumys istedi.