Qaıtys bolǵannan keıin donor bolýdan qalaı bas tartýǵa nemese kelisýge bolady

<p>ASTANA. KAZINFORM — Qaıtys bolǵannan keıingi erikti aǵza donorlyǵynyń taqyryby áli de kóptegen suraqtar men kúmándar týdyrýda, dep jazdy Densaýlyq saqtaý mınıstrliginen.</p>

Eger adam basqa adamdardyń ómirin saqtap qalý úshin ózine qaıtys bolǵannan keıin donor bolýǵa sheshim qabyldasa, onda ol kez kelgen ýaqytta «Elektrondyq úkimet» portalynda nemese medıtsınalyq-sanıtarııalyq alǵashqy kómek kórsetetin medıtsınalyq uıymǵa júginip, kelisim bildire alady, bul tirkelgen jeri boıynsha emhana bolýy múmkin.

Sondaı-aq eDensaulyq bóliminde eGovMobile mobıldik qosymshasy arqyly úıden shyqpaı-aq kelisimińizdi tirkeı alasyz.

«Ótinish bergennen keıin siz ony óńdeý jáne kelisimińizdi rastaý týraly birden jaýap alasyz. Siz qaıtys bolǵannan keıin donorlyqqa kelisimdi tirkeý týraly anyqtama ala otyryp, memlekettik qyzmet nátıjelerimen birden tanysa alasyz.

Kelisimdi nemese bas tartýdy shekteýsiz bere alatynyńyzdy aıta ketken jón. Osylaısha, adam kez-kelgen ýaqytta óz sheshimin ózgerte alady», — delingen vedomstvo málimetinde.