Qaıtarylǵan aktıvterdi basqarý kompanııasynyń jumysyn Qarjy mınıstrligi baqylaıdy

ASTANA. QazAqparat – QR Qarjy mınıstrligine birqatar qosymsha mindetter júktelmek, dep habarlaıdy QazAqparat tilshisi.

Ashyq NQA portalynda jarııalanǵan Úkimet qaýlysyna saı, vedomstvoǵa myna fýnktsııalar beriledi:

- «Zańsyz ıemdenilgen aktıvterdi memleketke qaıtarý týraly» QR Zańyna sáıkes tárkilengen, respýblıkalyq menshikke aınaldyrylǵan múlikti, sondaı-aq memleket kirisine aınaldyrylǵan múlikti (aktıvterdi) esepke alý jáne odan ári paıdalaný boıynsha derekter bazasyn júrgizý;

- «Zańsyz ıemdenilgen aktıvterdi memleketke qaıtarý týraly» QR Zańyna sáıkes basqarýshy kompanııanyń múlikti (aktıvterdi) basqarý tıimdiligin baqylaý;

- Basqarýshy kompanııaǵa berilgen aktıvterdi basqarý tártibin aıqyndaý;

- QR Ulttyq bankimen jáne valıýtalyq baqylaý agentterimen birlesip, rezıdentterdiń repatrıatsııalaý talabyn oryndaýyn baqylaý maqsatynda eksport nemese ımport jónindegi jekelegen valıýtalyq sharttar sheńberinde aqsha qozǵalysyn jáne mindettemelerdiń ózge de oryndalýyn monıtorıngteý;

- Ýákiletti organmen birlesip aktıvterdi qaıtarý boıynsha aktıvterdi ashyp kórsetý týraly deklaratsııanyń nysany men ony usyný tártibin bekitedi;

- Óz quzyreti sheginde «Valıýtalyq retteý jáne valıýtalyq baqylaý týraly» QR Zańyna sáıkes valıýtalyq baqylaý júrgizý;

- Arnaýly memlekettik qordyń qarajatyn paıdalaný jáne onyń monıtrıngteý tártibin aıqyndaý;

- Arnaýly memlekettik qor qarajatynyń túsimderi men jumsalýy týraly aqparatty jyl saıyn jarııalaý.

Úkimet qaýlysynyń jobasy 13 qyrkúıekke deıin kópshilik talqylaýda bolady.

Qosa ketsek, taıaýda qaıtarylǵan aktıvterdi basqarý kompanııasyna qandaı mamandardyń tartylatynyn jazyp edik.