Qaıtarylǵan aktıvterdi basqaratyn kompanııa qurý týraly Úkimet qaýlysy shyqty

<p>Premer-Mınıstr Álıhan Smaıylov &laquo;Qaıtarylǵan aktıvterdi basqarý kompanııasy&raquo; JShS qurý máseleleri týraly&raquo; Úkimet qaýlysyna qol qoıdy, dep habarlaıdy QazAqparat tilshisi.&nbsp;</p>

«Jarǵylyq kapıtalyna memleket júz paıyz qatysatyn «Qaıtarylǵan aktıvterdi basqarý kompanııasy» jaýapkershiligi shekteýli seriktestigi qurylsyn. «Zańsyz ıemdenilgen aktıvterdi memleketke qaıtarý týraly» QR Zańynda jáne basqa da zańdarda belgilengen tártippen qaıtarylǵan aktıvterdi basqarý, saqtalýyn qamtamasyz etý, ótkizý seriktestik qyzmetiniń negizgi nysanalary bolyp aıqyndalsyn. Seriktestiktiń jarǵylyq kapıtalyna qatysýdyń memlekettik úlesine ıelik etý jáne ony paıdalaný quqyqtary Qarjy mınıstrliginiń Memlekettik múlik jáne jekeshelendirý komıtetine berilsin», - delingen Premer-Mınıstr qol qoıǵan qaýlyda.

Basqarýshy kompanııanyń mindetteri – memleketke qaıtarylǵan aktıvterdi onyń atynan menshigine qabyldaý, memleket kirisine aınaldyrylǵan aktıvterdiń saqtalýyn jáne ustalýyn qamtamasyz etý, aktıvterge bılik etý, aktıvterdi ótkizýden túsken qarajatty arnaýly memlekettik qorǵa aýdarý.

Qaýly qol qoıǵan kúnnen bastap kúshine endi.

Qosa ketsek, taıaýda qaıtarylǵan aktıvterdi basqarý kompanııasyna qandaı mamandardyń tartylatynyn jazyp edik.