Qaıta oralǵan «Azııa daýysy»: Almatyda festıvaldiń birinshi kúni qalaı ótti
Kórermen lyq toly arenada festıval qyzyl kilemmen bastaldy, onda rarıtet kólikterden túsken ataqty juldyzdar men «Azııa daýysy – 2023» qatysýshylary júrip ótti. Ashylý saltanatyna kelgen Mádenıet jáne sport mınıstri Ashat Oralov festıvaldiń jyl saıyn ótetinin jáne kelesi jyldan bastap halyqaralyq án baıqaýy qosylatynyn aıtty.
«Maǵan túrki elderiniń mádenıet mınıstrleri qazirden habarlasyp, kelesi jyly «Azııa daýysy» halyqaralyq oryndaýshylar baıqaýyna eń úzdik ártisterin jiberýge qyzyǵýshylyq tanytyp otyr. Sózsiz, «Azııa Daýysy» - elimizdiń aıryqsha trendi, biz oǵan qoldaý kórsetip, alǵa ilgeriletemiz. Óıtkeni bul tek mýzykalyq qana emes, týrıstik trend, ol Almatynyń jáne tutas óńirdiń týrıstik damýy úshin úlken áleýetke ıe», - dep túsindirdi mınıstr.
Vedomstvo basshysy «Azııa daýysy» jobasy qazaqstandyq estradanyń kóptegen jańa juldyzdaryn ashatynyna senimdi.
«Ózderińiz biletindeı, 1997 jyly «Azııa daýysy» úzdik festıval ataǵyna ıe boldy. Bul da úlken jetistik. Qazir bul festıval qaıta jandanýda, munda demeýshilerge alǵys aıtqym keledi, óıtkeni ony ótkizýge memleket qarjy bólgen joq. Búgin jańbyrly aýa raıyna qaramastan, Medeýge myńdaǵan adam jınaldy. Túrli elderden týrıster de kelýde. Kelesi jyly munda sheteldik ártister qatysatyn bolsa, olardyń jankúıerleri de keler edi. Bul da týrızmdi damytýǵa baǵyttalǵan», - deıdi Ashat Oralov.
Festıvalde birinshi bolyp «Jas qanat 2023» jas oryndaýshylar baıqaýynyń júldegerleri óner kórsetti. Arenada ár býynnyń kórermenderi jınaldy, júrgizýshilermen birge olar da nostalgııa jasady, Baıǵalı Serkebaevtyń «Djýlııa» mıýzıklinen úzindi usyný kezinde «A-stýdıo» tobynyń ánderin shyrqady, álemdik hıtterdi eske aldy. Sondaı-aq «Azııa daýysy» festıvaliniń qandaı bolǵanyn bilmeıtin jas kórermender úshin arnaıy blok jasaldy, onda festıvaldi qurǵan tulǵalar jáne sol jyldary Almatynyń qandaı bolǵany kórsetildi.
Sonymen birge kórermenderge áıgili rejısser, stsenarıst jáne prodıýser Farhat Sháripov túsirgen «Soldat lıýbvı» mıýzıkliniń túsirilimine qatysý múmkindigi týdy – olar fınaldaǵy basty keıipker juldyzǵa aınalyp, úlken arenaǵa shyqqanda massovka retinde oınady. Kórermender telefon jaryǵyn jaǵyp, fılmge qajettiniń bárin oryndady, sondyqtan «Azııa daýysy» festıvaliniń alǵashqy kúni tarıhqa ǵana emes, kınoǵa da endi.
Almatylyqtar men qala qonaqtary qazaqstandyq tanymal pop jáne rep ártisteriniń ónerin tamashalady. Kórermender úshin Ǵalymjan Moldanazar, RaiM, Erke Esmahan, V$XV PRiNCE, Mıras Júginisov, Markhaba Sabi, ORYNKHAN, «Irına Kaıratovna» toby jáne ZAQ óz hıtterin oryndady. Festıvaldiń alǵashqy kúni dron shoýymen aıaqtaldy.
Shoýdan bólek, festıval demeýshileri men seriktesteri qatysýshylarǵa kóptegen júldeli is-sharalar daıyndap, birneshe fotoaımaqtar jasady. Búgin «Azııa Daýysy» sahnasynda álemdik BLACK EYED PEAS óner kórsetedi. Erteń, festıvaldiń sońǵy kúni kórermender ańyzǵa aınalǵan retro juldyzdardy kóredi. Secret Service jáne ıALLA toptary, qazaqstandyq estrada juldyzdary 40 mınýt óner kórsetedi jáne saltanatty otshashý bolady.
Almaty qalasynyń ákimdigi kórermenderdiń «Medeýge» esh qıyndyqsyz jetip, qalaǵa oralýyn qamtamasyz etti, sondyqtan festıval kúnderi qosymsha tegin avtobýs baǵyty iske qosylady. Avtobýstar Sátbaev pen Baıtursynov qıylysynan saǵat 14:00-den 24:00-ge deıin 10-15 mınýt aralyqpen júredi.