Qaıta óńdeý salasynyń ekonomıkadaǵy úlesi taý-ken ónerkásibinen asty – Memleket basshysy
«Osylarǵa qosa ekonomıkany ártaraptandyrý, óndiriletin taýarlardyń nomenklatýrasyn keńeıtý jumystaryn jalǵastyrý kerek. 2020 jyldyń qorytyndysy boıynsha ındýstrııalandýrdyń 10 jyldyǵynda alǵash ret qaıta óńdeý ónerkásibiniń ekonomıkany damytýdaǵy úlesi taý-ken óndirý salasynyń úlesinen asty. Qysqa merzimdi maqsattardyń ishinde 2025 jylǵa qaraı qaıta óńdeý ekportynyń kólemin 1,5 ese – 24 mlrd dollarǵa deıin, al eńbektiń ónimdiligin 30 paıyzǵa kóterý mindeti bar», - dedi Qasym-Jomart Toqaev.
Sondaı-aq, ol Ulttyq qordyń aktıvterin qalpyna keltirý úshin bıýdjettik erejege kóshýdi jedeldetýdi tapsyrdy.
«Sońǵy kezde memlekettik shyǵys mindettemelerin jabý úshin bıýdjet tapshylyǵy men Ulttyq qordan alynatyn transferttiń artý tendentsııasy baıqalýda. Únemi mundaı jeńil jolmen júrý múmkin emes. Qarjylyq turaqtylyq qory sheksiz emes. Bıýdjettiń kirisin arttyrý boıynsha sharalar qajet ekeni anyq. Biraq birinshi kezekte memlekettik shyǵyndardyń kólemi men tıimdiligine baqylaý kerek. Ulttyq qor aktıvterin qalpyna keltirý úshin bıýdjettik erejeni engizýdi jedeldetý kerek. Tıisti zańnamalyq túzetýler jyldyń sońyna deıin qabyldanýy qajet», - dedi Prezıdent.