Qaıta qurylymdalatyn oblystardyń bıýdjeti qysqarady
«Bári oblystardyń shekarasy qandaı bolatynyna baılanysty. Jańa oblystardaǵy memlekettik qyzmetkerlerdiń sany qansha bolady, qandaı aýdandar bolady degen sııaqty. Bıýdjet eki ese qysqarmaıdy endi. Biraq qysqaratyny anyq. Óıtkeni bıýdjet pen shtat sany qaıta bólinedi. Jalpaqtap aıtsaq, jańa oblysqa shtattyń 30 nemese 40 paıyzy ketýi múmkin. Mysaly, memlekettik qyzmetshilerdiń 30 nemese 40 paıyzy Ulytaý oblysyna ketse, bıýdjet te sonsha mólsherde qaıta baǵyttalady. Árıne qazirgi bıýdjettiń ishine bárin syıǵyzsa, qısynǵa saı bolar edi. Biraq qosymsha shyǵyndar qajet bolatyn shyǵar»,-dedi Ulttyq eknomıka mınıstri.
Onyń aıtýynsha, jańa oblystardyń paıda bolýy memlekettik qzymetshilerdiń sanyn sonshalyq kóbeıtpeıdi.
«Memlekettik qyzmetshiler sany eselep ósepeıtini anyq. Ázirge qazir bar shtattar aıasynda uıymdastyrylady. Mysaly, 30-40% artýy múmkin dedim ǵoı. Biraq jetpeı jatsa, qosymsha qarastyramyz. Óıtkeni tek ákimdik qyzmetkerleri ǵana emes, aýmaqtyq bólimshelerin ustaıtyn ortalyq memorgan ókilderi de bar. Mysaly, Qarjy mınıstrliginiń Memlekettik kirister komıteti, Ulttyq ekonomıka mınıstrliginiń Tabıǵı monopolııalardy retteý jónindegi komıteti bar. Mundaı komıtetter kóp. Olardyń aýmaqtyq bólimsheleri bar. Olardy da bólý kerek bolady. Óıtkeni jańa óńirler men aýdandarǵa óz memlekettik kirister, qazynashylyq sııaqty baǵyty boıynsha óz organdary bolýy kerek. ıAǵnı bul óte keshendi másele», - dedi mınıstr.