Qaıta qurylǵan tórt oblysta 4 tergeý ızolıatory salynady
Bul jóninde Qylmystyq atqarý júıesi komıtetiniń tóraǵasy Janat Eshmaǵambetov Senat otyrysynda aıtty.
«Álemdik standarttarǵa jaqyndaı túsý úshin sottalǵandardy baraqta jasaqpen ustaý tásilinen kamerada ustaý tásiline kóshý jumystary júrip jatyr. Qazir sottalǵandardy kamerada ustaıtyn 9 mekeme bar. Onda 4 myńnan astam sottalǵan azamat otyr. Bıyl 8 turǵyn blogyn qaıta jaraqtaý josparlanyp otyr. Byltyr jobalaý-smetalyq qujattamasy ázirlengen bolatyn. Qajetti qarajat bólindi. Sonyń nátıjesinde kamerada otyratyndardyń úlesi 28 paıyzǵa jetedi nemese 5,5 myń adam bolady», - dedi ol.
Aıtýynsha, memlekettik-jekemenshik áriptestik aıasynda 14 abaqty salý kózdelip otyr.
«Sondaı-aq, qoǵamdyq qaýipsizdiktiń qamtamasyz etýdiń 2024-2028 jyldarǵa arnalǵan tujyrymdamasyn ázirleý aıasynda qaıta qurylǵan Abaı, Ulytaý, Shyǵys Qazaqstan, Almaty oblystarynda memleket bıýdjeti esebinen 4 zamanaýı tergeý ızolıatoryn salý kózdelgen. Sondaı-aq, memlekettik-jekemenshik áriptestik aıasynda 14 aralas qaýipsizdiktegi kamerada ustaıtyn mekeme, 5 tergeý ızolıatoryn salý josparlanǵan», - dedi .