Qaıta-qaıta kezekke turyp, memleketten bir emes, birneshe páter alyp jatqandar bar - mınıstr

<p>Búgin Májilistiń jalpy otyrysynda &laquo;Qazaqstan Respýblıkasynyń keıbir zańnamalyq aktilerine turǵyn úı saıasatyn reformalaý máseleleri boıynsha ózgerister men tolyqtyrýlar engizý týraly&raquo; zań jobasy birinshi oqylymda maquldandy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Májiliste birinshi oqylymda maquldanǵan jańa zań jobasyna baspana kezegine turatyndardyń keıingi 10 jylda eshqandaı úı-jaıy bolmasyn degen talap engizildi. 

Qazirgi qoldanystaǵy zańnamaǵa sáıkes kezekke turý úshin 5 jyl ishinde turǵyn úıi bolmaýy qajet.

«Baspana alarda turǵyndar tek bir ret memlekettik qoldaýdy paıdalanýy kerek. Óıtkeni bizde uzyn-sonar úlken kezek bar. Eger adamdar memleketten qoldaý alǵan bolsa, olar ekinshi ret ótinish bermeýi kerek. Biraq jaǵdaıdyń túrli dárejede órbýi múmkin ekenin túsinip otyrmyz, sondyqtan bul shekteýdi 10 jyl dep belgiledik. Eger siz memleketten kómek alǵan bolsańyz, onda 10 jyl boıy qaıtadan kezekke tura almaısyz», - dedi Q. Sharlapaev Parlament Májilisinde tilshiler suraǵyna jaýap bere otyryp.

Bul turǵyda ol keıbir turǵyndar ár bes jyl saıyn qaıtadan baspana kezegine turyp jatqanyn aıtty.

«Ókinishke qaraı, memleketten páter alýǵa quqyǵy bar keı azamattardyń qazirgi qoldanystaǵy besjyldyq merzimdi paıdalanyp, qaıtadan kezekke turyp jatqany bar. ıAǵnı ár bes jyl saıyn páter alyp otyrǵan. Mundaı oqıǵalar anyqtalyp jatyr. Kezek boıynsha memleketten bir ret páter alyp, keıin ony satyp jibergender bar. Araǵa bes jyl salyp bul adam qaıtadan kezekke turyp jatsa, bul jaǵdaı baspanasyn kútip júrgen múgedek balalar men kópbalaly analar aldynda ádiletsiz dep sanaımyn. Biz bul shekteýdi 10 jyl merzimge belgileýdi usynyp otyrmyz», - dedi mınıstr.