«Qaısar» quramyna ózbekstandyq jáne senegaldyq shabýylshylar qosyldy

<p>QYZYLORDA. KAZINFORM - Qyzylordalyq &laquo;Qaısar&raquo; klýby birqatar fýtbolshylarmen kelisim-shartqa qol qoıdy. Olardyń qatarynda sheteldik jáne qazaqstandyq oıynshylar bar.</p>

Bıyl komanda quramynda ózbekstandyq Shohnazar Norbekov jasyl alańǵa shyǵady.

Fýtbolshylyq mansabyn sol eldiń Bekabad qalasynyń «Metallýrg» klýbynda 2011 jyly bastaǵan 29 jastaǵy shabýylshy odan keıin ózbekstandyq AGMK, «Sýrhan», «Kokand-1912» jáne «Týron» namysyn qorǵady. Keıingi jyldarda ındonezııalyq «Sada Sýmýt» jeıdesin kıdi.

Ózbekstan birinshiliginde 200 kezdesýde 27 márte qarsylastar qaqpasyn dál kózdedi.

Sondaı-aq, komanda quramyna senegaldyq Lamın Týnkara qosyldy. Keıingi jyldarda «EFC-Antalya» klýbynda oınady.

Qazaqstandyq shabýylshy Toqtar Jańǵylyshbaı da «Qaısarmen» kelisim-shartqa qol qoıdy. 30 jastaǵy shabýylshy 2011 jyldan qazaqstandyq klýbtarda oıyn kórsetip keledi. 2017-2018 jyldarda qyzylordalyq komanda quramynda jasyl alańǵa shyqty.

Al byltyr qyzylordalyq klýbta oınaǵan qorǵaýshylar Ádilet Keńesbek, Qýanysh Qalmuratov «Qaısarmen» kelisim-shart merzimin uzartty.

Eske salaq, budan buryn «Maqtaaral» fýtbol klýby premer-lıgadan shyǵyp qaldy.